23 Shilde, 2020 NEWS
Vıdeodan skrınshot
Túrkistan oblysy Kentaý qalasyna qarasty Shornaq aýylynda bolǵan tóbeleske qatysty resmı málimdeme shyqty.
Áleýmettik jeli qoldanýshylarynyń pikirinshe, qazaqtar men ózbekter arasynda janjal bolyp, sońy tóbeleske ulasqan.
Al Túrkistan oblysy polısııa departamenti oqıǵa 21 shildede saǵat túngi 01.00 shamasynda bolǵanyn jáne qaqtyǵystyń etnıkalyq sıpaty joq ekenin habarlady.
"Polıseıler júrgizgen jedel-tergeý is-sharalary boıynsha aýyl kósheleriniń birinde er adam men aýyldasynyń arasynda túsinbeýshilik týyndaǵan. Arada biraz ýaqyt ótken soń, jábirlenýshiniń úıine birneshe kólik kelip, onyń úıi men kórshileriniń aýlasyna qaraı tas laqtyryp, tóbeles bastalǵan.
Saldarynan jábirlenýshiniń 3 týysy jáne Kentaý qalalyq polısııa bóliminiń ýchaskelik ınspektory jaraqat alǵany anyqtaldy. Olarǵa medısınalyq kómek kórsetildi. Jedel-izdestirý is-sharasy nátıjesinde jedel ýákilder 4 kúdiktini ustady" delingen resmı málimdemede.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir