20 Shilde, 2020 NEWS

20 shildeden bastap qazaqstandyqtar 5500 teńge alatyn bolady

Kórneki sýret

Eńbek jáne halyqty áleýmettik qorǵaý mınıstrligi shilde aıynda azyq-túlik jáne turmystyq jıyntyqtar úshin qarajat tóleýdi bastady. 

Qazaqstandyqtar bıylǵy 20 shildesinen bastap aıdyń sońyna deıin bank kartalaryna tólem ala bastaıdy.

Buıryq kúshine engen kezde tólemdi 5 áleýmettik topqa jatatyn azamattar alady. Jergilikti atqarýshy organdar qolda bar derekter negizinde azyq-túlik jáne turmystyq jıyntyq alýǵa tıisti adamdardyń tizimin jasaıdy. Sodan keıin shilde aıyna, ıaǵnı shekteý sharalarynyń qoldanylý kezeńinde alýshylarǵa somasy 2 AEK mólsherinde tólem jiberiledi.

5 áleýmettik topqa tómendegi sanatqa kiretin azamattar jatady:

– ataýly áleýmettik kómek alýshylar qatarynan 6 jastan 18 jasqa deıingi balalar;

– medısınalyq-áleýmettik mekemelerde turaqty turatyn múgedekterdi qospaǵanda, 16 jasqa deıingi múgedek balalar;

– medısınalyq-áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;

– múgedek bala tárbıelep otyrǵan adamdar;

– jumyspen qamtý máseleleri jónindegi jergilikti organda tirkelgen jumyssyz azamattar jatady.

Buǵan deıin habarlanǵandaı, koronavırýstyq ınfeksııany juqtyrý qaýpin azaıtý maqsatynda adamdardyń tikeleı baılanysyn boldyrmaý úshin azyq-túlik jáne turmystyq jıyntyqtar 2 AEK-ten kem bolmaıtyn mólsherde alýshylardyń bank kartalaryna aýdarylǵan tólemge aýystyryldy.

Aǵymdaǵy jyldyń naýryz aıynan mamyr aıyna deıin bul tólemder jalpy somasy 13,5 mlrd teńgege 1 mln adamǵa eseptelgen.

Buǵan deıin Qasym-Jomart Toqaev muqtaj jandarǵa úkimet shilde aıyna 42500 teńge tólenetinin málimdegen bolatyn. 

14 shildede QR Premer-mınıstri Asqar Mamın Úkimet otyrysynda QR Eńbek jáne halyqty áleýmettik qorǵaý mınıstrligine qazaqstandyqtarǵa azyq-túlik jáne turmystyq jıyntyqtar úshin aqshalaı qarajat tóleýdi bastaýdy tapsyrǵan bolatyn.

Ilmek sózder: 5500 teige úkimet

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir