Tramp 92 mıllıonnan astam qytaı azamatyna sanksııa salmaq

Tramp júz mıllıonǵa jýyq qytaı azamatyna sanksııa salmaq. Sanksııaǵa Qytaı kommýnıstik partııasynyń joǵary laýazymdy tulǵalarynan bastap, olardyń balalary, otbasy músheleri, tipti, bıznes ókilderi jáne ondaǵan mıllıon qytaı azamaty enýi múmkin. Bul týraly Qamshy tilshisi Nıý-Iork Taıms gazetine silteme jasap habarlaıdy.

Tramp ákimshiligi Qytaı Kommýnıstik partııasynyń (QKP) laýazymdy músheleri men olardyń otbasy múshelerine AQSh-qa saparlaýǵa tyıym salýdy qarastyrýda, – dep habarlaǵan Aq úıge jaqyn aqparat kózderi.

Aq úıdiń baspasóz hatshysy Kaılı Mak Enanı jýrnalısterge AQSh Qytaıǵa qatysty barlyq nusqalardy qarastyratynyn málimdegen.

Qytaı basshysy Sı Szınpın basqarǵan kommýnıstik partııada 92 mıllıonnan astam múshe bar. Partııaǵa Qytaı bıliginiń quzar shyńyndaǵy adamdar men ádettegi qyzmetkerler múshe bolǵan. Al bul sanksııa – Qytaı qoǵamynyń úlken bóligin ustaıtyn 92 mıllıonnan artyq adamǵa, tipti, Beıjiń kommýnısteriniń otbasy múshelerin qosa eseptegende, júz mıllıonnan astam adamǵa tyıym salý bolyp sanalady. 

Aqparatty alǵash bolyp jarııalaǵan Nıý-Iork Taımstyń pikirtalastary boıynsha, bul Vashıngtonnyń Beıjińmen aradaǵy arazdyqtyń eń qatań áreketteriniń biri bolýy múmkin. Keıbir sarapshylar júzdegen mıllıon qytaıǵa vıza berýden bas tartý týraly sheshim bar ekenin aıtsa, keıbiri muny "jańa qyrǵı-qabaq soǵysynyń bastalýy" dep túsindirýde. 

– Mundaı sanksııa júzege asyrylsa, Qytaı Kommýnıstik partııasynyń eń joǵary deńgeıinen bastap ártúrli deńgeıine deıin soqqy beriledi, – deıdi Reuters agenttigi.

Agenttiktiń jazýynsha, buǵan tek qana dıplomattar ǵana emes, sonymen birge bıznes-menedjerler de kiredi.

– AQSh-tyń kóptegen agenttikterindegi sheneýnikter Kommýnıstik partııa músheleri balalarynyń Amerıka ýnıversıtetterinde oqýyna tyıym salý týraly máseleni qarastyratyn proseske qatysady,–deıdi talqylaý týraly aqparat taratqan derekkózder.

Mundaı tyıymnyń qalaı talqylanyp jatqany Tramptyń kómekshileri bárin daıyndaǵan kezde jarııalanýy múmkin. Sebebi Qytaıǵa qarsy qatań taqyryptardy Tramp óziniń qarasha aıyndaǵy qaıta saılaý naýqanyna baǵyttaıdy.

Tramp pen prezıdenttikten úmitker demokrat Djo Baıden ekeýi Qytaıǵa qarsy qatań saıasattan bir-birinen asyp túsý úshin básekege túsýde.