15 Shilde, 2020 NEWS

Neırohırýrg: Qazaqstandaǵy koronavırýs testteriniń durystyǵy 20 paıyzdan da tómen

Sýrette: neırohırýrg Myńjylqy Berdiqojaev

Qazaqstandyq neırohırýrg dáriger Myńjylqy Berdiqojaevtyń aıtýynsha, Qazaqstandaǵy PSR testteriniń durystyǵy 20 paıyzdan da tómen. Ol bul aqparatty jýrnalıst Nartaı Aralbaımen bolǵan suhbatta málimdedi.

Qazaqstandaǵy PSR testteriniń dáldigi óte tómen ekenin jetkizgen neırohırýrg shildeniń basynda ǵana 415 pnevmonııa deregi anyqtalǵanyn aıtty.

– 25 maýsymnan 5 shildege deıin 415 pnevmonııa anyqtalǵan. Onyń shamamen 20 paıyzyn ǵana koronavırýstyń PSR-i dáleldep otyr. Qalǵan 80 paıyzy PSR-da dáleldenbegen, biraq kompıýter jáne rentgen boıynsha ol jerde koronavırýsqa tán ózgerister bar. Ol degenimiz, eger 100 paıyzdy alatyn bolsaq, onyń ishinde tek qana 20 paıyzynda koronavırýstyq pnevmonııa anyqtalyp otyr, – dedi dáriger.

Koronavırýstyń qazaqstandyq shtamy paıda bolǵanyn aıtqan neırohırýrg ony testpen anyqtaý múmkin emes ekenin jetkizdi. Onyń sebebi retinde, vırýs mýtasııaǵa ushyraǵany nemese testtik júıe qate jumys isteıtini aıtyldy. Oǵan qosa, maman koronavırýs testterin ótkizýdi toqtatý kerektigin málimdedi.

Ilmek sózder: Qazaqstan PSR

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir