14 Shilde, 2020 NEWS

42 500 teńge qaı sanattaǵy azamattarǵa berilmeıdi?

Ashyq derekkóz

Eńbek jáne halyqty áleýmettik qorǵaý mınıstri Birjan Nurymbetov 42 500 teńge qaı sanattaǵy azamattarǵa taǵaıyndalmaıtynyn jáne jumysy bola tura ótinim bergen azamattarǵa qandaı jaza qoldanylatynyn aıtty.

– Jaldamaly jumyskerler eńbekaqysyz demalysqa jiberse ǵana alady. Eger de mekemeden resmı jumystan shyǵyp ketse, ol adamǵa jumyspen qamtý ortalyǵyna habarlasý qajet. Ol jerde Eńbek baǵdarlamasy, jol kartasymen jumystar, nesıe, grant usynylady. Eger de olar sáıkes kelmese, úsh kúnniń ishinde olardy jumyssyz retinde tirkeýge alady. Tirkelgennen keıin ári qaraı jumysty izdeı beremiz. Biraq sol kúnnen bastap ol kisi saqtandyrý qorynan jumyssyzdyqqa qarsy áleýmettik tólem alýǵa quqyly. Ony 6 aı alady, onyń kólemi ortasha eseppen jalaqynyń 40 paıyzyn quraıdy, – dedi mınıstr. 

Mınıstr jaldamaly jumysshylar úshin ótinimdi jumys berýshiler beretinni atap ótti.

– 42 500-ge jumys istep turaqty jalaqy alyp júrgender jáne mekemede jumys jasamaıtyndar da ótinim berdi. Sebebi biz bárin jeńildetip tastadyq. Jumysy bola tura júzdegen, myńdaǵan adam ótinim berdi. Osy joly ótken tájirıbe eskerile otyryp, jaldamaly jumysshylarǵa ótinimdi tek jumys berýshi beretin bolyp sheshildi. Jumys berýshi bizge óziniń qaramaǵyndaǵy eńbekaqysyz demalysqa ketken adamdardyń tizimin jiberedi. Jaýapkershilik tıisti jumys berýshiniń moınynda bolady. Mekeme jalǵan málimdeme bergen jaǵdaıda zań júzinde qylmystyq jaýapkershilikke tartylady, – dedi Birjan Nurymbetov. 

♦ Oqı otyryńyz: "Jyrtyq jamaýǵa kelmeıdi". 42500 teńge halyqtyń keregine jete me?

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir