Astana kúnin merekeleý qarsańynda Almatyda balalarǵa arnalǵan mýzykalyq mektep, mektepterdiń negizgi ǵımattaryna jalǵastyryla salynǵan qosymsha qurylystar jáne balabaqshalar paıdalanýǵa berilip jatyr.

Bilim berý nysandarynyń qurylysy Almaty qalasynyń ákimi Baqytjan Saǵyntaevtyń tapsyrmasy negizinde bastaldy.

Jalpy, elorda kúnine oraı Almatyda áleýmettik mańyzy bar bilim berý ınfraqurylymynyń alty nysany iske qosyldy.

Búgingi tańda Bostandyq aýdanynda ornalasqan eki mektepke deıingi mekeme, jeke menshik balabaqsha jáne №191 balabaqsha paıdalanýǵa berildi, sáıkesinshe 45 jáne 195 orynǵa shaqtalǵan. Aýdanda 100 orynǵa eseptelgen №45 balalar mýzyka mektebiniń qurylysy aıaqtaldy. Sonymen qatar, Medeý aýdanynda da mýzyka mektebiniń qurylysy aıaqtaldy.

Almatyda qalanyń barlyq aýdandarynda oqýshylarǵa arnalǵan oryndar sanyn kóbeıtý boıynsha belsendi jumys júrgizilýde. Osylaısha, №61 mektepke jalǵastyryla salynǵan 450 orynǵa arnalǵan oqý korpýsy men №123 mektep-gımnazııasynda oqý korpýsyn keńeıtý boıynsha qurylys jumystary aıaqtaldy. № 9 mektep-ınternatynda seısmıkalyq kúsheıtý jumystary, qalpyna keltirý jáne kúrdeli jóndeý jumystary júrgizilýde.

Sondaı-aq, megapolıste memlekettik jáne qalalyq baǵdarlamalar aıasynda qosymsha segiz jańa mektep pen 13 qosymsha qurylystardyń salynyp jatqanyn, bul oryn tapshylyǵyn 80%-ǵa tómendetýge múmkindik beretindigin atap ótý kerek. Osylaısha, jańa mektepter 18 myńǵa jýyq oqýshy ornymen qamtamasyz etpek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir