• USD 412.55
  • EUR 465.73
  • RUB 5.79
  • CNY 58.91

27 Maýsym, 2020 NEWS

Aqtaýda 4 birdeı pýlmonologııalyq provızor ortalyǵy iske qosyldy

Foto Mańǵystaý oblysy ákimdiginiń resmı saıtynan alyndy

Mańǵystaýdaǵy barlyq qala men aýdandardaǵy pýlmonologııalyq provızorlardaǵy oryndardyń sanyn arttyrý baǵytynda jumystar júrgizilýde. Bul týraly oblys ákimdiginiń resmı saıtynda habarlandy.

Naýqastardyń kóptigine oraı Beıneý aýdany men Jańaózen jáne Aqtaý qalalaryna basymdyq berilýde. Mysaly, Beıneý aýdanynyń ortalyǵynda 55 oryn provızorlyq stasıonar daıyndaldy. Jańaózende 75 oryndyq provızorlyq ortalyq ázirlendi.

Al, Aqtaýda naýqastar sany kóp. Sebebi qalaǵa irgeles jatqan Munaıly aýdanynyń, Túpqaraǵan men Qaraqııa aýdandarynyń turǵyndary da oblys ortalyǵyna kelip, shaǵymdaryn bildiredi. Osyǵan baılanysty Aqtaýda 4 birdeı pýlmonologııalyq provızor ortalyǵy iske qosylǵan.

♦Birinshisi – Aqtaýdaǵy 1-shaǵyn aýdanda ornalasqan burynǵy qalalyq perzenthanada jasaqtalǵan 100 oryndyq provızorlyq gospıtal;

♦Ekinshisi – 1-shaǵyn aýdandaǵy burynǵy týberkýlezge qarsy dıspanserdiń bazasynda ashylǵan 100 oryndyq provızorlyq gospıtal,

♦Úshinshisi – oblystyq aýrýhananyń «B» blogynda qurylǵan 300 oryndyq provızorlyq ortalyq (munda qazir 75 oryn bos tur);

♦ Tórtinshisi – "Prımorskıı" shaǵyn aýdanyndaǵy jaǵajaıda ornalasqan "Tennıs ortalyǵynda" 150 oryndyq provızorlyq stasıonar jasaqtaldy. Bul ortalyq qazir naýqastardy qabyldaýǵa tolyq daıyn, kómek kórsetetin medısınalyq qyzmetkerler de bólingen.

Sondaı-aq oblystyq aýrýhanadaǵy jóndeý jumystary aıaqtalǵan soń, 5-6 qabattarynan 150 oryn provızorlyq stasıonar ashylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir