Aǵymdaǵy jyly Alakóldiń shyǵys jaǵalaýyn abattandyrýǵa 4 mldr.teńgege jýyq qarajat bólindi

Shyǵys Qazaqstandaǵy Alakól jaǵalaýyn abattandyrý jumystary jalǵasýda. 2016 jyldan bastap osy maqsatta 6,2 mlrd teńge jumsaldy. Bıyl bul baǵytqa tartylǵan ınvestısııa kólemi 3,9 mlrd. teńgeni qurap otyr.

Kól jaǵalaýynyń ınfraqurylymy únemi jaqsaryp, álemniń 10-ÚZDIK elderiniń týrızminiń kartasyna engizildi.

Kásipkerler qyzmet kórsetý sapasyn zaman talabyna saı oryndamaı otyr. Aımaq basshysy Danıal Ahmetov Arbatty aralap, jaǵalaýdyń bas kóshesindegi qurylysqa eskertý jasady.

– Biz aýqymdy abattandyrý jumystaryn júrgizip jatyrmyz. О́tken jylmen salystyrǵanda, munda oryn alǵan ózgerister kóp. Biraq men árqashan kásipkerlerge kóńil aýdaryp, bizge munda týrıst retinde keletin qazaqstandyqtarǵa basqasha deńgeıde qyzmet kórsetý kerektigin aıtamyn. Bıznesmender túrik jaǵalaýlarymen básekeles bolyp,  qyzmet kórsetý sapasyn álemdik standarttarǵa sáıkes júrgizýi tıis. Tamaqtaný salasymen aınalysatyn kásipkerler mol paıda tabady. Soǵan qaramastan joǵary talapqa sáıkes keletin birde-bir meıramhana nemese kafe joq. Alaıda mundaı tamaqtaný oryndary ortalyqta ornalasqan. Olar abattandyrý týraly, qyzmet kórsetý sapasy jóninde oılanbaıdy. О́ıtkeni olar adamdardyń báribir ózderine keletinin biledi, – dedi ShQO ákimi.

Aımaq basshysy Arbattaǵy qurylys talaptaryna sáıkes kelmeıtin dúńgirshekterdi alyp tastaýdy tapsyrdy.

Esterińizge sala keteıik, 10 maýsymǵa deıin birde-bir demalys orny kelýshilerdi kútip alýǵa daıyn degen aktini alǵan joq. Mundaǵy 175 demalys ornynyń 103 áli kúnge deıin týrısterdi qabyldap alýǵa daıyndyqty bastaǵan joq.

Kól jaǵalaýynda 345 kásipkerlik nysan bar. Onyń ishinde 11,5 myń tósek-oryndyq 175 demalys úıi, 36 qoǵamdyq tamaqtaný orny, 27 dúken, 104 dúńgirshek, 3 dárihana bar.

Aǵymdaǵy jyly 8 demalys orny salyndy. Al 11-i aýmaǵyn keńeıtti. Sóıtip, qosymsha 650 tósek-oryndyq paıda boldy.

Sondaı-aq 200 oryndyq «Alakol love» týrıstik kesheniniń qurylysy bastaldy. Budan bólek «Jumyspen qamtýdyń jol kartasy» baǵdarlamasy boıynsha eki joba qolǵa alyndy. Joba aıasynda sý jáne elektr jelileri tartylady.

Jalpy aýmaǵy 2,5 shaqyrymdy quraıtyn velojol men 5 jańa modýldi saýda pavılondarynyń qurylysy aıaqtaldy. Bıyl kól jaǵalaýynda jańa týaletter, kıinýge arnalǵan kabınalar, qutqarýshy beketteri salynady.

Kelýshilerdiń demalysyn qyzyqty ótkizý maqsatynda sahna, bı jáne akvasaıajaı boı kóteredi.

– Úrjardaǵy áýejaıda qaıta jóndeý jumystary júrgiziledi. Ushý-qoný jolaǵy uzartylady. Bul óz kezeginde kez kelgen ushaqtyń munda ushyp kelýine múmkindik beredi. Osy baǵyttaǵy jumystar keler jyldyń sońyna deıin júzege asyrylady. Sondaı-aq bizge Úrjar aýylyn abattandyrý da mańyzdy. О́ıtkeni bul jer kýrorttyq orynnyń astanasy.Úrjardy abattandyrýǵa 2,2 mlrd teńge bólinedi. Úsh jyldan keıin Úrjardy basqa jaǵynan kóretin bolasyzdar, – dedi Danıal Ahmetov kásipkerlermen kezdesý barysynda.

ShQO aqparat ortalyǵy