• USD 412.55
  • EUR 465.73
  • RUB 5.79
  • CNY 58.91

10 Maýsym, 2020 NEWS

«Nur Otan» praımerız ótkizý máseleleri boıynsha jedel jelini iske qosty

Kórneki sýret

«Nur Otan» partııasynyń baspasóz qyzmeti áleýmettik jelilerdegi resmı paraqshalarynda praımerız ótkizý máseleleri boıynsha arnaıy jedel jeliniń iske qosylatynyn habarlady.

8 800 080 44 41 tegin nómiri arqyly úmitkerler partııashilik irikteýge qatysý úshin ótinimdi qalaı berýge bolatyndyǵy, onlaın-oqýǵa qatysý múmkindigi jáne t.b. praımerızge qatysty ózderin tolǵandyrǵan suraqtar boıynsha habarlasa alady.

Onlaın-konsýltasııany komek@nurotan.kz elektrondy poshtasy, 8 700 800 44 41 WhatsApp-nómeri, sondaı-aq Facebook (Halyqqa Kómek) jáne Instargam (halykkakomek) jelileri arqyly da alýǵa bolady.

Aıta keteıik, ótken aptada «Nur Otan» partııasynyń Tóraǵasy Nursultan Nazarbaev 2020 jyldyń 17 tamyzy men 3 qazany aralyǵynda praımerız ótkizý týraly Qaýlyǵa qol qoıǵan bolatyn.

Partııa Tóraǵasynyń birinshi orynbasary Baýyrjan Baıbek atap kórsetkendeı, praımerızdiń negizgi maqsaty – aldaǵy Májilis pen barlyq deńgeıdegi máslıhattar saılaýlaryna partııalyq tizimderdi qalyptastyrý úshin básekeles kúres negizinde jańa kóshbasshylardy aıqyndaý.

Partııa saıtynda jarııalanǵan partııaishilik irikteý ótkizý erejesine sáıkes, praımerız ótkizý arqyly «Myqty lıderler - Myqty partııa» qaǵıdaty boıynsha shynaıy jáne myqty kóshbasshylardy partııa qataryna tartý, belsendi jáne bastamashyl azamattar úshin «áleýmettik lıft» qurý, eldi damytý máselelerin talqylaýǵa kópshilikti jumyldyrý, aımaqtardaǵy júıeli jumys úshin ózekti máselelerdi anyqtaý, sondaı-aq, kandıdattardyń jeke jaýapkershiligin arttyrý kózdeledi.

О́z kezeginde Saıası menedjment mektebi praımerızge qatysýshylarǵa arnalǵan «Praımerız. Jarııa saıasat. Depýtattyń beınesi qandaı bolýy kerek?» dep atalatyn oqý baǵdarlamasynyń bastalatyny týraly habarlandyrý jarııalady.

Semınarlarda belgili saıasattanýshylar, memlekettik jáne qoǵamdyq qaıratkerler, psıhologtar spıker retinde sóz sóıleıdi. Olardyń ishinde Ermuhamet Ertisbaev, Aıdos Sarym, Rasýl Jumaly, Andreı Chebotarev, Saıasat Nurbek jáne basqalar bar.

Oqytý baǵdarlamasy onlaın rejımde ótetin tórt modýlden turatyndyǵy aıtyldy. Olar: partııaishilik irikteý-praımerızin iske asyrý mehanızmi, praımerızdi ótkizýdiń halyqaralyq tájirıbesi, depýtattyń bıliktegi róli men orny, depýtattyń beınesi, ımıdj jáne minez-qulyqtyń tıimdi úlgisin qalyptastyrý, saıası sheshendik.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir