• USD 412.55
  • EUR 465.73
  • RUB 5.79
  • CNY 58.91

09 Maýsym, 2020 Aımaqtar

Beıneý aýdanynda 32 kóp qabatty turǵyn-úı jóndeýden ótedi

qamshy.kz

Beıneý aýdanynda 32 kóp qabatty turǵyn-úı jóndeýden ótedi.

Bul týraly Mańǵystaý oblystyq qoǵamdyq kommýnıkasııa ortalyǵynda ótken brıfıngte Beıneý aýdany ákiminiń orynbasary Bekzat Ázirhanov aıtty.
Jumyspen qamtýdyń 2020-2021 jyldarǵa arnalǵan Jol kartasy baǵdarlamasy aıasynda Beıneý aýdanynda quny 2 mlrd. 48 mln. 451 myń teńge bolatyn 13 jobany júzege asyrý josparlandy, onyń ishinde jergilikti bıýdjettik baǵdarlamalar boıynsha quny 2 mlrd. 38 mln. 51 myń teńge bolatyn 12 joba, oblystyq bıýdjettik baǵdarlamalar boıynsha quny 10,4 mln. teńge bolatyn 1 joba. Jobalardyń ishinde 5 joba ınvestısııalyq jobalar (qurylys jumystary), quny 986,4 mln. teńge, 8 joba ortasha jáne aǵymdaǵy jóndeý jumystary, quny 1 mlrd. 62 mln. teńge. Jobalardy júzege asyrý kezeńinde aýdan kóleminde 551 jańa jumys oryndary qurylady. Barlyq jobalar boıynsha memlekettik satyp alý prosedýralary tolyqtaı aıaqtaldy. Áleýetti ónim berýshilerdiń 85% jergilikti shaǵyn kásipkerlik ókilderi.
-«Aýdan ortalyǵyndaǵy kóp qabatty turǵyn úılerdiń shatyryn jáne qasbetin jóndeý 2019 jylǵy 26 jeltoqsandaǵy turǵyn úı kommýnaldyq sharýashylyq máseleleri boıynsha zańdylyqqa ózgerister men tolyqtyrýlar engizilgennen keıin múmkin bolyp otyr. Aýdan ortalyǵyndaǵy kóp qabatty úılerdiń alǵashqylarynyń paıdalanýǵa berilgenine 40-45 jyldaı ýaqyt ótti, bul ýaqyt aralyǵynda kóp qabatty úılerge kúrdeli jóndeý jumystary júrgizilgen joq, qazirgi ýaqytta kóp qabatty úıler shatyrlarynyń tozyǵy jetken, jaýyndy kúnderi sý ótý máselesimen qatar, qaýipsizdik jáne kóshe kelbetin buzý máseleleri de bar. Ákimniń esep berý kezdesýlerinde de, áleýmettik jelilerde de, jeke qabyldaýda da halyq tarapynan bul másele jıi kóteriletin ózekti máselelerdiń biri retinde qaralatyn. Kóp qabatty turǵyn úılerdiń shatyryn jáne qasbetin aǵymdaǵy jóndeý jumystary boıynsha 4 jobada 32 kóp qabatty turǵyn úı qamtylady. Jobalardyń nátıjeli júzege asyrylýymen aýdan ortalyǵyndaǵy barlyq kóp qabatty turǵyn úıdiń shatyrlary zamanýaı túrli tústi temir shatyrlarǵa aýystyrlatyn bolady»,-dedi Beıneý aýdany ákiminiń orynbasary Bekzat Ázirhanov.
Aýdan ortalyǵynda salystyrmaly túrde gazdandyrý, elektrlendirý, aýyz sý máselesi sheshilgen. Endigi ózekti máseleniń biri avtomobıl joldaryn jóndeý. Sol sebepti jol kartasy baǵdarlamasyna bólingen qarjynyń úshten bir bóligin avtomobıl joldaryn jóndeý jumystaryna baǵyttalǵan. Avtomobıl joldaryn ortasha jóndeý, jańa joldar salý jumystary kezeń-kezeńimen iske asatyn bolady.
Sonymen qatar Aqjigit, Eset aýyldaryna elektr jelilerin tartý jumysy, aýdan ortalyǵyndaǵy halyqqa qyzmet kórsetý ortalyǵy ǵımaratyn jóndeý jumysy jáne Táýelsizdik alańyn abattandyrý jumystary bar.
-«О́zderińiz biletindeı kelesi jyly Táýelsizdik týynyń kóterilgenine 30 jyl tolmaq, soǵan oraı aýdan ortalyǵyndaǵy Táýelsizdik alańyn abattandyrýdy, brýschatka tóseý jumystary qosylǵan bolatyn. Jol kartasy baǵdarlamasy aıasynda júzege asrylatyn jobalar ishinde abattandyrý baǵytyna baǵyttalǵan tek osy joba, qalǵan jobalar halyqtyń áleýmettik máselelerin sheshýge baǵyttalǵan jobalar»,-dedi Beıneý aýdany ákiminiń orynbasary Bekzat Ázirhanov.
Qazirgi tańda barlyq jobalar boıynsha jumystar bastaldy. 551 jańa jumys oryndary quryldy. Aýdandyq jumyspen qamtý ortalyǵy arqyly 275 kontıngent mindetti jumysqa tartylý qajet. Qazirgi tańda tartylǵan kontıngent sany 279, jospar 101,5 prosent oryndaldy. Jumysqa tartylǵan azamattardyń bir aılyq jalaqysy 85 - 150 myń teńge aralyǵynda. Seksen bes myń teńge jalaqy eń tómengi laýazym ıeleri kishi jumysshylarǵa belgilense, tıisti maman laýazymynan joǵary barlyq mamandyqtardyń jalaqysy 150 myń teńgeden tómen emes. Kishi jumysshylarǵa seksen bes myń teńge jalaqy belgilenýdiń basty sebebi aýdandaǵy jalaqy tóleý tepe-teńdigin saqtaý maqsatynda, óıtkeni aǵymdaǵy kezeńde bir aılyq jalaqysy 42,5 myń teńge bolatyn qoǵamdyq jumystarǵa 418 kontıngent tartylǵan bolsa, jergilikti bıýdjet esebinen qarjylandyrylatyn uıymdardaǵy qaraýyl jáne jumysshy laýazymdarynyń jalaqysy, sáıkesinshe 67 jáne 55 myń teńge, bir stavkamen qyzmet atqaratyn muǵalim jalaqysy 113 myń teńge bolsa, jetekshi maman - memlekettik qyzmetshi jalaqysy 145 myń teńge.
Áleýetti ónim berýshilermen jalaqynyń kólemi jóninde, sonymen qatar jumyspen qamtý ortalyqtary arqyly jiberiletin kontıngent sany jóninde kúrdeli máseleler joq.
Mamyr aıyna Jol kartasy baǵdarlamasy boıynsha josparlanǵan qarjy 450272,0 myń teńge, ıgerilgen qarjy 450272,0 myń teńge, jospardyń oryndalýy 100 %.

 

Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir