ABC
Anglııada demonstranttar 17-shi ǵasyrdaǵy qul saýdageriniń músinin qulatyp, AQSh-tan bastalǵan násilshildikke qarsy narazylyq aksııasyna qoldaý bildirdi. Bul týraly Qamshy tilshisi ABC-ge silteme jasap habarlaıdy.
Anglııanyń ońtústik-batysynda ornalasqan Brıstol qalasynda narazylyq bildirýshiler qul saýdageri Edvard Kolstonnyń qola músinin arqanmen baılap, qulatqan.
Keıinirek demonstranttar músindi jaqyn ornalasqan aılaqqa aparyp, ony Avon ózenine laqtyrǵan.
Narazylyq bildirýshiler úlken mereke ótkizgenimen, jergilikti polısııa bul oqıǵaǵa qatysty tergeý bastalǵanyn aıtady.
– Brıstol Harbors qasyndaǵy músindi qulatý kezinde qylmystyq zalal keltirgen adamdar toby bolǵan. Qatysqandardy anyqtaý úshin tergeý júrgizilip jatyr, – dedi Avon men Somerset polısııasy jeksenbide jasaǵan málimdemesinde.
Kolstiń músini 1895 jyldan bastap Brıstol qalasynyń ortalyǵyna ornatylǵan, biraq ony alyp tastaýdy talap etetin petısııalar ótkizilip turǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir