Bıyl Mańǵystaýda 5448 túlek UBT tapsyrady

Bıyl Mańǵystaýda 5448 túlek UBT tapsyrady.
Bul týraly qoǵamdyq kommýnıkasııa ortalyǵynda Mańǵystaý oblystyq bilim basqarmasynyń basshysy Asqar Seıdalıevtiń qatysýymen ótken brıfıngte málim boldy
Ulttyq birińǵaı testileý ádettegideı respýblıka boıynsha 20 maýsymnan bastalady. Bıylǵy oqý jylynda 6365 oqýshy mektep bitiredi (2019 jyly-5590). Onyń ishinde 5931-i kúndizgi mekteptiń, 434-i keshki mekteptiń túlekteri. UBT ǵa 5736 oqýshy qatysady (onyń ishinde bıylǵy bitirýshi túlekterdiń 5448-i (85,6%), buryn mektep bitirgen 246 túlek pen kolledjderdiń 42 túlegi). UBT suraqtary 2019-2020 oqý jylynyń 3 toqsany men onyń aldyńǵy ótken materıaldardan qurylatyn bolady.
О́ńir boıynsha 4 UBT ótkizý pýnkti bar. Olar Aqtaý, Jańaózen qalasy men Beıneý, Qaraqııa aýdandarynda ornalasqan. Bilim basqarmasy tarapynan UBTО́P terdi baqylaý komısssııalary quryldy. UBT nátıjeleriniń ashyqtyǵyn qamtamasyz etý baǵytynda barlyq aýdıtorııalar salqyndatqyshtar, ortalyq translıasııaǵa qosylatyn beınebaqylaý júıeleri, uıaly baılanysty tunshyqtyrǵysh qurylǵylar jáne metall izdegishtermen tolyq qamtamasyz etiledi. Shalǵaı aýyldarda turatyn 966 balaǵa mektep avtobýstarymen tasymal uıymdastyrylady (Mańǵystaý -270, Qaraqııa – 164, Munaıly -562), Avtobýstardyń tehnıkalyq jaǵdaılary men júrgizýshilerdiń densaýlyq jaǵdaılary quzyrly organdardyń tarapynan tekserýden ótedi.
Bıylǵy sanıtarlyq talaptarǵa sáıkes oryndar arasyndaǵy 2,5-3 metr ara qashyqtyqty saqtaý úshin burynǵy bekitilgen UBTО́P terge lekter sanyn arttyra otyryp bólip kirgizip, 54 aýdıtorııada 50% tolymdylyqpen otyrǵyzatyn bolady.
Otyrǵyzý tártibi oblystyń bas sanıtarlyq dárigerimen kelisilgen. Bıylǵy UBT ýaqyty 10 mınýtqa uzartylǵan, ol ýaqyt maskalar aýystyrý, dezınfeksııalaý jáne dene qyzýyn ólsheýge arnalady.
Ulttyq birińǵaı testileý pýnktterine qatysýshylar bólip, arnaıy tekserýden ótkizilip, kirgiziledi. Ol úshin qatysýshylar lentalarmen bólingen arnaıy bekitilgen oryndarda turady. Budan basqa árbir UBT ótkizý pýnktteri dezınfeksııalyq tonneldermen jabdyqtalady, dezınfeksııalyq tósemsheler tóseledi, sanıtaızerler, maskalarmen jabdyqtalady. Kireberiste úıden kıip kelgen maskalar aýystyrylady. Bıyl shoǵyrlanýdyń aldyn-alý úshin ata-analardyń UBTО́P terge kelýine tyıym salynady. UBT barysyn onlaın translıasııamen úıden qadaǵalaý qajet. Onlaın translıasııa barlyq aýdıtorııalardan youtube kanaly arqyly tikeleı translıasııa tártibinde júredi. Sonymen qatar, UBT ótetin ýaqyttarda jedel járdem qyzmeti, basqa da tıisti qaýipsizdik sharalary qamtamasyz etiledi.