04 Maýsym, 2020 NEWS
«Nur Otan» partııasy Tóraǵasynyń birinshi orynbasary Baýyrjan Baıbek Facebook jelisindegi paraqshasynda partııaishilik tańdaý – praımerızdiń qashan ótetini týraly aıtty.
– Qurmetti dostar! Barshańyzdy elimizdiń Táýelsizdigin, san ǵasyrlyq tarıhy men egemendigin beıneleıtin Qazaqstan Respýblıkasynyń memlekettik rámizder kúnimen quttyqtaımyn.
«Nur Otan» partııasynyń Lıderi Nursultan Nazarbaev bıylǵy 17 tamyzdan 3 qazanǵa deıingi aralyqta partııaishilik tańdaý – praımerız ótkizý týraly Qaýlyǵa qol qoıdy. Bul – Elbasy jarııalaǵan «Nur Otan» partııasyn «qaıta jandandyrýdyń» mańyzdy bóligi bolyp tabylatyn partııaishilik demokratııanyń zamanaýı tetikteriniń biri.
⠀
Praımerızdiń negizgi maqsaty – aldaǵy Májilis pen barlyq deńgeıdegi máslıhattar saılaýlaryna partııalyq tizimderdi qalyptastyrý úshin básekeles kúres negizinde jańa kóshbasshylardy aıqyndaý.
⠀
О́zderińiz biletindeı, biz byltyr «Nur Otan»-nyń kadrlyq rezervine pılottyq rejımde irikteý ótkizgen bolatynbyz. Joba áleýmettik-ekonomıkalyq damýy, turǵyndarynyń sany jáne áleýmettik toptary boıynsha árkelki 14 qala men aýdanda ótkizildi. 10 myń partııalyqtan turatyn kadrlyq rezerv jasaqtaldy. Bizdiń qatarymyzǵa 20 myń adam qosyldy.
⠀
Halyqaralyq ozyq tájirıbelerdi jan-jaqty qarastyryp, partııa ishinde qyzý talqydan ótkizgennen keıin partııa Saıası keńesi músheleriniń daýys berýimen Praımerız ótkizý erejesi qabyldandy. Ol erteń bizdiń resmı saıtymyzda jarııalanatyn bolady.
⠀
Aldaǵy praımerızde qazirgi trendter eskerile otyryp, dástúrli daýys berýmen qatar onlaın-daýys berýdi de ótkizý josparlanyp jatyr, – dedi Baýyrjan Baıbek.
⠀
Onyń aıtýynsha, taıaý ýaqytta partııaishilik irikteýge qatysýǵa nıettengenderdi oqytý bastalady. Ol úshin Saıası menedjment mektebi kommýnıkasııa, saılaýshylarmen jumys júrgizý, kópshilik aldynda sóz sóıleý daǵdylary jáne basqa da taqyryptar boıynsha onlaın-semınarlar uıymdastyrady.
⠀
– Partııamyzdyń Lıderi Nursultan Nazarbaev atap kórsetkendeı, «partııalyq tizimderge halyqtyń ártúrli bóliginiń ókilderi, bedeldi, azamattardyń senimine ıe bolǵan otandastarymyz kirýi tıis».
⠀
Áleýmettik partııalyq lıftti qamtamasyz etý – partııamyz úshin basty mindetterdiń biri. Sondyqtan partııa múshelerimen qatar qoǵam ómirine beı-jaı qaramaıtyn, daryndy da kreatıvti barsha qazaqstandyqty aldaǵy praımerızge belsendi qatysýǵa shaqyramyz, – dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir