• USD 405.69
  • EUR 455.51
  • RUB 5.72
  • CNY 57.42

01 Maýsym, 2020 Ekonomıka

Ana men balany qoldaýǵa 190 mlrd teńge bólindi

Kórneki sýret

2020 jylǵy qańtar-sáýir aralyǵynda balaly otbasylarǵa áleýmettik qoldaý kórsetý sheńberinde respýblıkalyq bıýdjetten, sondaı-aq Memlekettik áleýmettik saqtandyrý qorynan (MÁSQ) jalpy somasy 190 mlrd teńge bólindi, dep habarlaıdy Qamshy.kz aqparat agenttigi QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Máselen, bala týǵanda beriletin birjolǵy járdemaqyny jalpy somasy 13 mlrd. teńgege 111,5 myń adam, sáýirde 3,7 mlrd teńgege 31,4 myń adam aldy.

Bala bir jasqa tolǵanǵa deıin onyń kútimine baılanysty aı saıynǵy járdemaqyny orta eseppen 139,9 myń adam alady, olarǵa 11,9 mlrd teńge tólendi. Sáýir aıynda bul járdemaqyny 3,1 mlrd teńgege 140,7 myń adam aldy.

«Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa tólenetin aı saıynǵy járdemaqymen orta eseppen 233,9 myń áıel adam qamtyldy, sáýir aıynda 234,5 myń adamǵa 4 mlrd teńge tólendi.

4 jáne odan da kóp kámeletke tolmaǵan balalary bar kópbalaly otbasylarǵa arnalǵan járdemaqymen orta eseppen jalpy somasy 73,5 mlrd teńgege 384,9 myń otbasy qamtylǵan, sáýir aıynda 19 mlrd teńgege 396,5 myń adam járdemaqy aldy.

Múgedek bala tárbıelep otyrǵan adamdarǵa tólenetin járdemaqyny jalpy somasy 15,8 mlrd teńgege 88,4 myń adam aldy, sáýir aıynda 90 myń adamǵa 4,1 mlrd teńge tólendi.

18 jastan asqan bala kezinen birinshi toptaǵy múgedekke kútim jasaý boıynsha aı saıynǵy jańa járdemaqyny orta eseppen 14,4 myń adam alady, olarǵa 2,6 mlrd teńge tólendi, sáýirde 14,6 myń adamǵa 644,9 mln teńge tólendi.

Bolashaq ana bosanýǵa tolyq daıyn bolýy úshin 2008 jyldan bastap Memlekettik áleýmettik saqtandyrý qorynyń qarajaty esebinen mindetti áleýmettik saqtandyrý júıesine qatysýshy jumys isteıtin áıelder júktilik jáne bosaný úshin birjolǵy tólem alady. 2020 jyly ony jalpy somasy 25,9 mlrd teńgege 61,7 myń adam aldy. Sáýir aıynda tólemdi 4,9 mlrd teńge somasyna 9,8 myń adam aldy.

MÁSQ-tan bala bir jasqa tolǵanǵa deıin onyń kútimi boıynsha aı saıynǵy járdemaqy júrgiziledi. Aǵymdaǵy jylǵy qańtar-sáýir aılarynda ony 31,1 mlrd teńgege 273 myń adam, sáýir aıynda 7,8 mlrd  teńgege 218,4 myń adam aldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir