• USD 412.55
  • EUR 468.66
  • RUB 5.79
  • CNY 58.8

25 Mamyr, 2020 NEWS

Toqaev Nur-Sultannyń jumyssyz turǵyndaryn jumysqa ornalastyrýdy tapsyrdy

akorda.kz

Prezıdent  Qasym-Jomart Toqaev Nur-Sultan qalasynyń ákimi Altaı Kólginovti qabyldady. Bul týraly Aqorda habarlady.

A. Kólginov prezıdentke elordanyń áleýmettik-ekonomıkalyq damýy jáne 2019 jyly qazan aıyndaǵy keńeste berilgen tapsyrmalardyń oryndalý barysyn baıandady.

Ákimniń aıtýynsha, Toqaevtyń tapsyrmasymen bıyl qoljetimdi turǵyn  úı qurylysy aıtarlyqtaı jandana túsken. Osy oraıda baspana kezeginde turǵan azamattar men halyqtyń áleýmettik turǵydan qorǵalmaǵan toptary úshin 8 myń páterdi paıdalanýǵa berý josparlanyp otyr.

Sonymen qatar kezdesýde elorda basshysy úleskerlerdiń problemasyn sheshý jáne bitpeı qalǵan turǵyn úılerdiń qurylysyna qatysty ahýaldy retteýdi atap aıtty.

Memleket basshysy jumyspen qamtýdyń jol kartasynyń oryndalýyn erekshe baqylaýda ustaý qajettigin de atap ótti.

Sondaı-aq, ınfraqurylymdyq jobalardy, onyń ishinde, mektepter men ońaltý ortalyǵyn salý, joldar men áleýmettik nysandardy jóndeý, kóshelerdi, turǵyn úı alaptary men qoǵamdyq oryndardy abattandyrý sııaqty jumystardy sapaly júzege asyrýdyń mańyzdylyǵyn atap ótti.

Budan bólek kezdesýde ınvestısııa tartý, shaǵyn jáne orta bıznesti qoldaý, áleýmettik jaǵdaıy tómen azamattarǵa kómek kórsetý máselelerine basa mán berildi.

Osylaısha Toqaev elorda ákimine qurylys sektoryndaǵy jumystardyń kólemin arttyrý, úsh aýysymdaǵy mektepterdiń máselesin shuǵyl sheshý, sonymen qatar, jumyssyz qala turǵyndaryn jumyspen qamtý jóninde tapsyrma berdi.

 

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir