Qazaqstan Respýblıkasy Aqparat jáne qoǵamdyq damý mınıstrligi belgili jýrnalıst Beısen Quranbek atyndaǵy «Jiger» syılyǵyn jarııalady.

Baıqaý maqsaty – buqaralyq aqparat quraldarynda ózindik sheberligimen kózge túsken jazba jáne elektrondy baspasóz quraldarynda jumys isteıtin jas tilshilerdi qoldaý. Shyǵarmashylyq izdenisterin shyńdaýǵa jigerlendirý. Qazaqstan jýrnalıstıkasynyń damýyna serpin berý. Kórnekti jýrnalıst Beısen Quranbektiń jarqyn beınesin este qaldyrý.

Syılyq 4 nomınasııa boıynsha beriledi.
- Áleýmettik taqyryptaǵy úzdik TV sıýjet;
- Áleýmettik taqyryptaǵy úzdik maqala;
- Áleýmettik taqyryptaǵy úzdik materıal (áleýmettik jeli);
- Áleýmettik taqyryptaǵy úzdik fotosýret.

Baıqaýǵa televızııa, baspa, ınternet jýrnalıstıkanyń jáne fotosýretshiler, jańa medıa (áleýmettik jeliler) salanyń kásibı jáne kásibı emes jas jýrnalısteri (18-35 jas aralyǵy) qatysyp, baǵyn synaı alady.

Baıqaý úzdikterin arnaıy qurylǵan qazylar alqasynyń músheleri aıqyndaıtyn bolady. Qazylar alqasynyń quramyna elimizdiń medıa salasynyń damýyna eleýli úles qosqan tanymal medıa menedjerler, jýrnalıster, qoǵam qaıratkerleri kiredi.

«Jiger» syılyǵyna ótinish 2020 jyldyń 26 mamyr men 15 maýsym aralyǵynda mdq.kz saıtynda qabyldanady. Syılyqqa qatysty tolyq aqparatty (qatysý erejesin) «Medıa damytý qory» korporatıvtik qorynyń resmı saıtynan (mdq.kz) jáne 8-775-332-08-00 nomeri arqyly alýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir