Almaty qalasy ákimdiginiń baspasóz ortalyǵynda qalalyq Áleýmettik ál-aýqat basqarmasynyń basshysy Rahat Shımasheva BAQ ókilderine onlaın brıfıng ótkizdi.

Basqarma basshysy Memleket basshysynyń tapsyrmasy boıynsha tótenshe jaǵdaı kezinde kórsetilip jatqan jeńildikterge toqtala kele, Almaty qalasy ákiminiń qoldaýymen júzege asyp jatqan is-sharalar týraly keńinen aıtty.

Onyń aıtýynsha, Almaty qalasynda tótenshe jaǵdaı kezinde halyqtyń áleýmettik osal toptaryn áleýmettik qoldaý jónindegi jumystar jalǵastyrylyp jatyr.

Aǵymdaǵy jyly Keńes–German soǵysyndaǵy Jeńistiń 75 jyldyǵyn merekeleýge baılanysty Memleket basshysynyń tapsyrmasyna sáıkes soǵys qatysýshylary men múgedekterine bir jolǵy tólem tólenedi. Qala ákiminiń qoldaýymen (Almaty qalasy máslıhatynyń 02.04.2020 j. №437 sheshimine sáıkes) soǵys qatysýshylary men múgedekteriniń ishinen 202 adamǵa áleýmettik qoldaý kórsetý maqsatynda 1 mln tg, 4 myń adamǵa – 100 myń tg jáne taǵy 14 myń adamǵa – 50 myń tg bólinedi.

Jalpy 1,3 mlrd. teńge kólemindegi bir jolǵy tólemderdi 18 296 adam alady:

– Soǵys qatysýshylary men múgedekterine 1 mln tg (202 adam);
– 100 myń tg soǵys qatysýshylary men múgedekterine jeńildikter men kepildikterine teń adamdar (3954 adam);
– Soǵysta qaıtys bolǵan (qaıtys bolǵan, habarsyz) áskerı qyzmetshilerdiń qaıta turmys qurmaǵan jesirlerine 100 myń tg (4 adam);
– Aýǵanstandaǵy soǵys kezinde alǵan jaraqattar, jaraqattaný, aýrý saldarynan qaıtys bolǵan nemese qaıtys bolǵan áskerı qyzmetshilerdiń ata-analary men jubaılaryna 100 myń tg (32 adam);
– eńbek maıdanynyń qatysýshylaryna (soǵys jyldarynda tylda jumys istegen), onyń ishinde KSRO medaldarymen jáne ordenderimen marapattalǵan, sonymen qatar, marapattalmaǵan adamdarǵa 50 myń tg (14 104 adam) tólem tólenetin bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir