26 Sáýir, 2020 NEWS

Almatyda karantınde jatyp bosanǵan áıel provızorlyq ortalyqtan shyqty

sjdhospitalbarcelona.org

Almatydaǵy provızorlyq ortalyqta karantındegi alǵashqy 32 jastaǵy bosanǵan áıel emdelip shyqty.

Pasıent 12 sáýirde №1 Qalalyq klınıkalyq aýrýhanaǵa dene qyzýynyń 38 gradýsqa deıin joǵarlaýy, jótel, tamaqtyń jybyrlaýy syndy sımptomdarymen kelip tústi.

Aýrýhanaǵa kelip túsken kezde koronavırýstyq ınfeksııaǵa taldaý alyndy, ol teris nátıje kórsetti.

Bul pasıenttiń alǵashqy ret bosanǵanyn aıta ketken jón.

14 sáýirde 2 kúnnen keıin ol salmaǵy 3 kg-nan sál artyq balany dúnıege ákeldi.

– Men karantınde bolǵanymda bosanýyma týra keldi. Bul meniń tuńǵyshym bolǵandyqtan, óte qatty ýaıymdap edim. Buǵan deıin qasyma serik bolatyn adammen týýdy josparlaǵanmyn, biraq bosaný ýaqytym karantınge dál keldi. Biraq, men medısına qyzmetkerleri tarapynan bolǵan qamqorlyqtyń arqasynda tipti jalǵyz ekenimdi sezbeı de qaldym. Meniń ata-anam qala syrtynda turady, olar da meni, balanyń jaı-kúıin ózim sııaqty qatty ýaıymdap otyrdy, azyq-túlikpen, tamaqpen meni kim qamtamasyz etedi dep ýaıymdap otyrdy. Biraq, munda tamaqtaný jaǵdaıy tamasha jasalǵan, men eshteńeni qajetsinbedim. Stasıonardyń medısına qyzmetkerlerine úlken rahmet aıtqym keledi. Karantın kezinde men olardan kóp nárseni úırendim, jas ana kýrsynan óttim dep te aıtýǵa bolady, – Ajar Manhanova.

– Búgin anasy ulymen birge baqylaý taldaýynan keıin úıge emdeýden shyǵaryldy. Anasy da, sábı de ózderin jaqsy sezinýde, – dep atap ótti stasıonar basshysy Ernest Qalıev.

Jalpy, búgingi kúni №1 Qalalyq aýrýhanada bosaný blogynda Covid-19 dıagnozymen rastalǵan 6 áıel, onyń ekeýi bosanǵannan keıingi jaǵdaıda, karantınde 24 júkti áıel bar.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir