Smaǵul Elýbaı: Qudaı qalasa álemdi jaılaǵan qaýipti indetten qutylamyz

Belgili jazýshy, kınodramatýrg Smaǵul Elýbaı barsha qazaqstandyqtardy qasıetti Ramazan aıynyń bastalýymen quttyqtady.

– Búgin álem musylmandarynyń jyl boıy asyǵa kútetin Ramazan aıy kelip jetti. Osy bir aı boıy tek ózin Allaǵa buryp aq tilekter tileıdi. Bul 1,5 mlrd adamzattyń 1,5  mlrd bóliginiń ımanǵa buratyn aıy. Ol úlken kúsh. Qudaı qalasa osy kúshtiń arqasynda osy álemdi jaılaǵan qaýipti indetten qutylamyz dep oılaımyn. Ortalyq múftııattyń sheshimine saı oraza ustaǵan jan meshitke bara almaıdy, basqosyp aýyz asha almaıdy. Bul sheshimdi biz qoldaımyz. О́ıtkeni bastyń amandyǵy mańyzdy, – dedi S. Elýbaı

Sonymen qatar jazýshy tótenshe jaǵdaı kezinde eldiń qaýipsizdigin qamtamasyz etip, jumys jasap júrgen barsha qyzmetkerlerge alǵysyn bildirdi. 

– B. Saǵyntaev basqarǵan qala ákimshiligi kún-tún demeı jumys jasap jatyr. Sondaı-aq jar qulaǵy jastyqqa tımeı júrgen kúlli dárigerler qaýymyna, polısııa, arnaıy áskerı qyzmetkerlerge almatylyqtardyń atynan alǵysymyzdy aıtamyn, – dedi S. Elýbaı. 

Jazýshy sóz sońynda barsha kúlli Almaty halqy osy bir aıda Alladan aq tilek tilep, tilsiz jaýǵa qarsy turyp tazalyq, tártip jumystaryn saqtasa, indetti jeńip shyǵýǵa úmitti ekenin atap ótti.