Almaty qalanyń bas ımamy Erkinbek Shoqaı búgin keshke musylman jamaǵaty alǵashqy taraýyq namazyn úıde oqyp, sáresin de úıden ishetinin onlaın brıfıngte aıtty.

Islamnyń esepteýi boıynsha tún kúnnen buryn júredi. Búgingi kesh Ramazannyń alǵashqy túni bolyp esepteledi. 

– Asa qamqor, erekshe meıirimdi Allanyń atymen bastaımyn. Barsha maqtaý álemderdiń Rabbysy Allaǵa tán, Onyń elshisi Muhammed paıǵambarymyzǵa sansyz salaýat pen ıgilikter bolsyn! Aılardyń sultany, sharapaty mol qasıetti Ramazan aıy qutty bolsyn! О́zderińizge málim, jýyrda Qazaqstan musylmandary dinı basqarmasynyń tóraǵasy Naýryzbaı qajy Taǵanuly QR Prezıdenti janyndaǵy Ortalyq kommýnıkasııalar qyzmetiniń alańynda karantın jaǵdaıyndaǵy Ramazanǵa qatysty pikiri men pátýasyn aıtqan bolatyn. Sol pátýa boıynsha Sharıǵat úkimi men ǵylymı zertteý jumysynyń qorytyndysyna sáıkes, musylmandar asyǵa kútetin Ramazan aıy bıyl elimizde 24 sáýir kúni bastalady degen sheshim qabyldandy, – dedi Bas ımam.

Eskerte keteıik, karantınge baılanysty elimizde ýaqytsha jıyn-toılar ótkizýge, as berýge, adamdardyń shoǵyrlanýyna, tipti, meshitterde jamaǵat bolyp qulshylyq etýge ýaqytsha tyıym salyndy. Árıne, bul azamattarymyzdyń densaýlyǵyn saqtaý men juqpaly indetti aýyzdyqtaý úshin jasalǵan sheshim.

– Bas múftı Naýryzbaı qajy Taǵanuly juqpaly indettiń taralýynyń aldyn alý maqsatynda taraýyq namazy meshitterde jamaǵatpen oqylmaıtynyn jáne meshitterde, dámhanalarda, qoǵamdyq oryndarda, t.b. mekemelerde jınalyp aýyzashar berýge ýaqytsha bolmaıtynyn jetkizdi. Sondyqtan qasıetti Ramazan aıynda oraza tutqan baýyrlarymyz óz úıinde aýyz ashqany durys, – dedi E. Shoqaı.

Bıyl 19 mamyrdan 20 mamyrǵa qaraǵan tún – qasıetti Qadir túni.

Ilmek sózder: Ramazan aıy Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir