Toqaev kelesi aptada koronavırýsqa baılanysty halyqqa úndeý jarııalaıdy

Prezıdent koronavırýs jaǵdaıyna qatysty kezekti televızııalyq úndeý jarııalaıdy. Bul týraly prezıdenttiń baspasóz hatshysy Berik Ýálı Facebook jelisinde jazdy.

– Sońǵy kezderi Qazaqstan Prezıdentiniń jumys kestesi meılinshe ózgergeni jasyryn emes. Elimizde Tótenshe jaǵdaı engizildi, osyǵan baılanysty Qasym-Jomart Kemelulynyń jumys kestesi de Tótenshe jaǵdaı rejımine kóshti. Prezıdentke keletin shuǵyl ári saraptamalyq aqparattardyń sany kúrt ósti. Al buǵan der kezinde jaýap berip, shara qoldaný kerek. Memleket basshysy jańartylǵan formatta jumys istep jatyr. Búginde kóptegen jıyndar men kezdesýler vıdeo baılanys arqyly ótkizilýde. Koronavırýsqa qarsy kúres – kún tártibinde qarastyrylatyn negizgi másele, – dep jazdy Berik Ýálı.

Sonymen qatar ol óz jazbasynda Qasym-Jomart Kemelulynyń kún saıyn Úkimettiń, Tótenshe jaǵdaı jónindegi memlekettik komıssııa músheleriniń, óńir basshylarynyń esepterin tyńdaıtynyn atap ótti.

– Jaqynda ǵana Prezıdent barlyq oblystardyń jáne respýblıkalyq mańyzy bar qalalardyń ákimderine telefon shalyp, shaǵyn jáne orta bıznesti qoldaýǵa, halyqty áleýmettik qorǵaýǵa, kóktemgi egis naýqanyna jáne sý tasqynyna qarsy jumystarǵa baılanysty naqty tapsyrma berdi. limizdegi jáne álemdegi epıdemıologııalyq ahýal únemi ózgerýde. Jýyrda túsken aqparattar negizinde Tótenshe jaǵdaı rejıminiń jáne karantın sharalarynyń uzartylýyna qatysty tıisti sheshim qabyldanatyn bolady. Osy rette Memleket basshysy daǵdarysqa qarsy menedjmentten bólek, strategııalyq josparlaýǵa da mán berip otyrǵanyn este ustaýymyz kerek. Erte me, kesh pe, Tótenshe jaǵdaı bitedi. Sodan keıin aldymyzdan ekonomıkanyń qurylymyn qaıta qaraý mindeti shyǵady, – dedi B. Ýálı.

Ol osy karantın bitkennen keıin aldymyzdan ekonomıkanyń qurylymyn qaıta qaraý mindeti shyǵatynyn da aıtyp, orta jáne uzaq merzimge arnalǵan jańa maqsattar qoıý kerektigin atady.

– Prezıdent kóptegen baǵdarlamalar men tujyrymdamalardy jańartý qajettigin aıtty. Munaı baǵasynyń birden quldyraýy ekonomıka men qarjy sektoryna reforma júrgizip, ındýstrııalandyrý men sıfrlandyrýdy naqty júzege asyrý kerek ekenin kórsetip otyr. Densaýlyq saqtaý jáne bilim salalaryn da úlken ózgeris kútip tur. Memleket basshysy jańa talaptarǵa jaýap beretin strategııalyq sheshimder ázirleýdi tapsyrdy, – dp jazdy Prezıdenttiń baspasóz hatshysy.

Sondaı-aq halyqaralyq baılanystarǵa da toqtalyp, qazirgi ýaqytta bul másele negizinen telefon arqyly nemese vıdeo konferensııa formatynda júrip jatqanyn atap aıtty.

– Atap aıtqanda, jýyrda Eýrazııalyq ekonomıkalyq odaq pen Túrki tildes memleketteri yntymaqtastyq keńesiniń sammıtteri onlaın rejımde ótkizildi. Negizgi seriktesterimizben jáne kórshiles eldermen jedel aqparat almasý asa mańyzdy. Bir aıdyń ishinde Qasym-Jomart Kemeluly Reseı, Qytaı, О́zbekstan, Qyrǵyzstan, Tájikstan, Izraıl memleketteriniń Prezıdentterimen, BUU jáne Eýropalyq odaqtyń basshylarymen, AQSh-tyń Memlekettik hatshysymen telefon arqyly sóılesti. Atalǵan kelissózder azamattarymyzdy shet elderden alyp kelýge, ózara gýmanıtarlyq qoldaýǵa, úzdiksiz kólik qatynastaryn qamtamasyz etýge, azyq-túlik pen medısınalyq qural-jabdyqtardy jetkizýge baılanysty birqatar mańyzdy máselelerdi shuǵyl ári eshqandaı bıýrokratııalyq kedergilersiz sheshýge múmkindik berdi, –deıdi baspasóz hatshysy.

Memleket basshysy azamattarymyzdyń densaýlyǵyn saqtaý men qaýipsizdigin qamtamasyz etýdi eń basty mindet sanaıdy. Ol barlyq otandastarymyzdy Tótenshe jaǵdaı rejıminiń talaptaryn saqtaýǵa shaqyrady. Jaqyndarymyzdyń densaýlyǵy úshin sabyr saqtap, jaýapkershilikti sezinýimiz kerek. Qasym-Jomart Kemelulynyń aıtýynsha, «halyqsyz ekonomıka bolmaıdy».

Sondyqtan eshkim de memlekettiń nazarynan tys qalmaıdy. Prezıdenttiń tikeleı tapsyrmasy boıynsha azamattarǵa qoldaý kórsetý úshin bıýdjetten jáne Ulttyq qordan qarajat bólinýde. Memleket basshysy osy aıtylǵan máselelerdiń oń sheshilýin únemi baqylaýda ustap otyr.

Sonymen qatar kelesi aptada Prezıdent elimizdegi koronavırýs jaǵdaıyna qatysty kezekti televızııalyq úndeýin jarııalaıdy.