16 Sáýir, 2020 Ekonomıka

Mınıstr "42500 myń teńge alǵan úshin sottaıdy eken" degenge jaýap berdi

facebook.com

QR eńbek jáne halyqty áleýmettik qorǵaý mınıstri Birjan Nurymbetov facebook paraqshasy arqyly "42500 myń teńge alǵan úshin sottaıdy eken" degen aqparatqa pikir bildirdi.

"Biraz zańgerler alaıaqtyq úshin qylmystyq jaýapkershilik bar ekeni týraly maqala, ne posttar jazýda. Ony 42500 teńgege qatystyryp keltirýde.

Zańgerler bolǵan soń zańdy bizden artyq biledi ǵoı. Olardiki durys ta shyǵar, biraq bul tek alaıaqtarǵa qatysty.

Siz ondaı emessiz ǵoı. Siz eshkimdi aldaǵan joqsyz.

Men brıfıngterimde, jazbalarymda aıtqandaı, ózderińiz úshin "men jumys, tirshilik jasap (resmı, beıresmı), aqsha taýyp júr edim, endi tótenshe jaǵdaıǵa qatysty sol tabystan aıyryldym" dep sheshtińizder me? Keıin men eskertkendeı, ótinish bergende portalda tómendegi jazbany taǵy da oqyp, rastap, sóıtip baryp ótinishti jiberdińiz bae Ondaı bolsa, Siz aıttyńyz, biz sendik. Siz aldaǵan joqsyz. Biz taǵaıyndadyq, tóledik.

Sol úshin kinálaıdy dep esh ýaıymdamańyzdar.

Dál men aıtqandaı jasaǵan bolsańyzdar, bizdiń tarapymyzdan úıdi aralap eshkim teksermeıdi.

Bul qaıdan shyqqan áńgime deısizder ǵoı.

Sońǵy brıfıngte, bir júrnalıst maǵan "men jumys istep, turaqty jalaqy alyp júrgen adam 42500 teńge alǵanyn bilemin, ony qalaı ótkizip aldyńyz" dep surady.

Men oǵan "biz ótinish berý tártibin, halyqtyń suraýy, talaby boıynsha barynsha qarapaıymdattyq, jumys berýshi ótinishinde "qyzmetkerlerimdi aqysyz demalysqa jiberdim" dep kórsetti, biz oǵan sendik. Al olaı bolmasa, jumys berýshi jaýap beredi, ony biz keıin tekserip alamyz" dep jaýap qaıtardym.

Brıfıngti kórgender rastaıtyn shyǵar. Jalpy durys emes pe?

Artynsha ekinshi suraqqa, ótinish bergen halyqty, úılerin aralap teksermeımiz dedim. ""Siz aıttyńyz, biz sendik. 42500 aldyńyz ba, jaratyńyz" dedim. Solaı bolady.

Sondyqtan, osy jaǵdaıda, ózińiz úshin taǵy da sheship alyńyz, "men 42500 teńgeni aldap aldym ba, joq pa" dep. Árıne joq.

Olaı bolsa Siz eshqandaı jaýapkershilikke eshqashan tartylmaımyz.

Halyq 42500-ge ótinishterin erikkennen berip otyrǵan joq. Tótenshe jaǵdaı bolmasa da basym halyqtyń tabysy az. Jalaqy tómen, zeınetaqy, járdemaqy kóp emes. Sondyqtan biz qarapaıym taza halyqty artynsha tekserip jatpaımyz

Aman bolyńyzdar, ózińizdi, jaqyndaryńyzdy myna indetten saqtańyzdar!" delingen mınıstr jazbasynda.

Ilmek sózder: 42500 teńge

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir