Qazaqstanda bir mezette 112 adamnan vırýs tabylyp, naýqastar sany myńnan asty

Qazaqstanda birden 112 adamnan koronavırýs anyqtalyp, vırýs juqtyrǵandar sany 1091 adamǵa jetti.  Bul aqparatty 14 sáýir saǵat 23.40-ta Densaýlyq saqtaý mınıstrligi habarlady.

Vedomstvo taratqan habarlamaǵa qarǵanda, sońǵy saǵatta Almatyda 99 adamnan, Nur-Sultan qalasy men Atyraý oblysynyń árqaısynanda úsh adamnan, Aqmola oblysy men Batys Qazaqstan oblysynyń árqaısynda eki adamnan, Qaraǵandy, Almaty, Túrkistan oblysynyń árqaısynda bir adamnan vırýs tabylǵan.

Sońǵy málimet boıynsha, Almaty vırýs juqtyrǵandar jóninin birinshi orynǵa shyqty. Buǵan deıin Qazaqstanda indet eń kóp Nur-Sultan qalasynda anyqtalǵan. 

• Almaty qalasy – 271
• Nur-Sultan qalasy – 260
• Qyzylorda oblysy – 119
• Qaraǵandy oblysy – 77
• Aqmola oblysy – 73
• Atyraý oblysy – 62
• Jambyl oblysy – 46
• Túrkistan oblysy – 44
• Shymkent qalasy – 38
• Soltústik Qazaqstan oblysy – 26
• Almaty oblysy – 22
• Aqtóbe oblysy – 11
• Batys Qazaqstan oblysy – 11
• Mańǵystaý oblysy – 10
• Pavlodar oblysy – 10
• Shyǵys Qazaqstan oblysy – 8
• Qostanaı oblysy – 3.

Qazaqstanǵa koronavırýs 13 naýryzda jetti. Qazirgi ýaqytqa deıin indet juqtyrǵan 1091 adamnyń 138-i jazylyp shyqty. 12 adam koronavırýstan kóz jumdy.