Qazaq ǵalymyn Garvard ýnıversıteti jumysqa shaqyrdy

Germanııanyń Gýmboldt ǵylymı zertteý stıpendııasynyń ıegeri, kartograf, tarıhshy Nurlan Kenjeahmet shyǵys jáne batys tarıhı muraǵattaryn, ejelgi kartalardyń syryn ashyp, zerttep júrgen qazaq ǵalymy. Ǵalym óziniń sońǵy qýantarlyq jańalyqtaryn Qamshy tilshisine bólisti.

Jaqynda Frankfýrt kitap kórmesinde nemister Eýropadaǵy segiz jyldyq eńbeginiń nátıjesi retinde kitabyn shyǵaryp berip jatqan qazaq ǵalymyn endi Garvard ýnıversıteti jumysqa shaqyryp jatyr eken. Qazaqtyń tarıhı jerleriniń syrlaryn Eýropanyń, Japonııanyń ejelgi kartalary arqyly ashyp júrgen ǵalym epıdemııa basylsa, osy tamyzdan bastap Garvard ýnıversıtetine jol tartanynyn aıtty.

Germanııadaǵy qazaq ǵalymynyń qazaq memlekettiginiń tarıhy týraly ''Toqmaq (Altyn Orda), Qazaq handyǵy，Shaıbanı，Rým，Moǵolstan 14-16 ǵasyr: túpnusqa muraǵattardan" (The Tūqmāq (Golden Horde), the Qazaq Khanate, the Shībānid Dynasty, Rūm (Ottoman Empire), and Moghūlistan in the XIV-XVI Centuries: from Original Sources) atty kitaby jaqynda baspadan shyqqan.

Bul Qazaqstanda Joshy Ulysy men muragerleri jáne sol kezeńdegi kórshiles elder tarıhy týraly tyń derekterdi ashyp, aǵylshyn tilinde shyqqan alǵashqy ǵylymı monografııa.

Germanııada jyldar boıy Qazaq tarıhyn zertteýmen aınalysyp júrgen bilikti ǵalym Nurlan Kenjeahmettiń Shyǵys jáne Batys tarıhı derekterin paıdalana otyryp jazylǵan bul eńbegi tarıhymyzdaǵy aqtańdaqtardyń ornyn toltyratyn bolady.