06 Sáýir, 2020 NEWS

Fılıppınde koronavırýs shekteýin buzǵany úshin birinshi adam atyldy

aljazeera.com

Fılıppınde koronavırýs erejelerin buzǵany úshin bir er adam atyldy. Elde polısııanyń koronavırýspen kúreske qatysty shekteýlerdi saqtamaǵany úshin bir azamatty atyp óltirgeni týraly habarlandy. Bul týraly Aljazeera saıty jazdy. 

63 jastaǵy er adam koronavırýs shekteýi kezinde aýyl sheneýnikteri men polısııaǵa qarsylyq kórsetkennen keıin oq atyldy, dep habarlady polısııa.
Polısııanyń habarlaýynsha, atylǵan adam mas bolǵan. Fılıppınniń Agýsan-del-Norte provınsııasyndaǵy Nasıpıt qalasyndaǵy baqylaý beketi mańynda aýyl bıligi men polısııa qyzmetkerleriniń jumysyna kedergi jasaǵan dep túsindirdi resmı bılik ókilderi.

«Aýyl dárigeri kúdiktige betperde kımegenin eskertti. Biraq kúdikti ashýlanyp, arandatatyn sózder aıtyp, aqyry qyzmetkerlerge shabýyldady», delingen habarlamada.

Bul oqıǵa Fılıppın prezıdenti karantın erejesin buzǵandardy atatynyn jarııalaǵannan bergi alǵashqy atyp óltirilgen jaǵdaı bolyp tirkeldi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir