31 Naýryz, 2020 NEWS

Aımaǵambetov: Orta bilim deńgeıinde 4 baǵyt boıynsha sabaq júrgiziledi

Habar24

Bilim jáne ǵylym mınıstri Ashat Aımaǵambetov Ortalyq kommýnıkasııalar qyzmetindegi brıfıngte orta bilim deńgeıinde qashyqtan oqytý 4 baǵyt boıynsha júrgiziletinin aıtty.

Internet jelisi joq ári taralýy nashar eldimekender úshin sabaq teledıdar arqyly júredi. Búginde Balapan jáne Elarna telearnalarymen kelisim jasalǵan. Kúnine 8 saǵat boıy tıisti sabaqtar osy arnalar arqyly kórsetiledi.

Mınıstrdiń aıtýynsha, 4-toqsandaǵy oqý baǵdarlamasyn qamtý úshin 3360 sabaq túsirilýi qajet. Qazirgi sátte onyń 300-den astamy túsirilgen. Aımaǵambetov ustazdar telejúrgizýshi róline enip, sabaqty 10-15 mınıýtqa syıǵyzyp, mazmundy etip qysqartý úshin úlken eńbek etip jatqanyn atap ótti.

Qashyqtan oqytýdyń kelesi baǵyty retinde radıo tańdalǵan. Teledıdar sıgnaly jetpeıtin jerlerde sabaq Qazaq radıosy arqyly júrgiziledi.

Úshinshi baǵyt pochta arqyly, tórtinshi baǵyt ınternet arqyly onlaın túrde júrgiziledi.

Mınıstr ınternet arqyly oqytý boıynsha onlaın platformalar daıyn ekenin, ol boıynsha pysyqtaý jumystary júrip jatqanyn aıtsa, pochta arqyly oqytý túrine toqtalǵan joq.

Ilmek sózder: qashyqtan oqytý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir