30 Naýryz, 2020 NEWS
instagram.com
Bql týraly partııa tóraǵasynyń birinshi orynbasary Baýyrjan Baıbek instagram jelisindegi paraqshasynda habarlady.
"Memleket basshysynyń bastamasymen qolǵa alynǵan «Biz birgemiz» aksııasynyń aıasynda Elbasynyń tapsyrmasy boıynsha «Nur Otan» partııasy halyqtyń áleýmettik álsiz toptaryna koronavırýspen kúres kezinde qoldaý kórsetýdi jalǵastyrýda.
Búgingi kúni 18 myńdaı otbasyǵa, onyń ishinde jalǵyz basty qarttarǵa, erekshe qajettilikteri bar azamattarǵa jáne basqalaryna kómek kórsetildi.
⠀
Muqtaj jandarǵa birinshi kezekte qajet taýarlardy baılanyssyz jetkizip berýdi toqtatpaý úshin elorda men Almatyda volonterlarymyzdy bıologııalyq qorǵanys kostıýmderimen qamtamasyz etýdemiz. Mundaı qorǵanys quraldary basqa qalalardaǵy volonterlarda da bolýy tıis" delingen jazbada.
Aıta keteıik, Memleket basshysynyń tapsyrmasyna sáıkes, «Nur Otan» osyǵan deıin partııalyq baqylaý komıssııasy men aımaqtardaǵy sybaılas jemqorlyqqa qarsy is-qımyl jónindegi qoǵamdyq keńesterdiń jumysyn kúsheıtken edi.
«Nur Otan» partııasy munyń azamattardyń ótinishterine jaýap bermeıtin, sondaı-aq, BAQ pen áleýmettik jelilerde turǵyndar kótergen máseleler boıynsha ózderine jaýapkershilik alyp, der kezinde tıisti sheshimder qabyldamaıtyn laýazymdy tulǵalarǵa qatysty aıtylyp otyrǵanyn túsindirdi.
Baspasóz-qyzmetiniń málimetinshe, azamattardyń ótinishterine jedel jaýap berý úshin budan bólek Call-ortalyq pen «Nur Otan» partııasynyń qoǵamdyq qabyldaýlaryndaǵy onlaın-júıelerdiń jumysy kúsheıtildi.
Call-ortalyq: 8 800 080 44 41
Elektrondy poshta: [email protected]
WhatsApp: 8 700 800 44 41
FB: https://www.facebook.com/profile.php?id=100034706720426
Instagram: https://www.instagram.com/halykkakomek/
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir