Abaev: Jumysty, kredıtti, bıznesti ýaıymdamańyzdar

Qurmetti qazaqstandyqtar!

Búgingi tikeleı efırdi onlaın-brıfıng emes, úndeý dep qabyldaǵan jón.

О́zderińiz kórip otyrsyzdar, indet taralýy údep barady. Bir túnde 40-tan asa adamnyń anyqtalǵany – bul alańdatatyn jaǵdaı. Qazir vırýs juqtyrǵandardyń sany 204-ke jetti.

1899 adam stasıonarlyq karantınde. 3 jarym myńnan astamy úı karantıninde.

6 myńnan asa adam aýyrǵandarmen baılanysta bolǵan. Olardyń 95%-i anyqtaldy.

Qazir biz óte kúrdeli kezeńde turmyz. Vırýs taralýyn baqylaı almaı qalý qaýpi týyndap otyr.

О́zge elderdegi jaǵdaıǵa qarańyzdar. Italııada bir kúnde 969 adam qaıtys bolǵan. Onyń barlyǵy saqtyq sharasyna salǵyrt qaraǵannyń saldary. Bul jaǵdaı barlyǵymyzǵa sabaq jáne eskertý bolýy kerek.

Koronavırýs, ásirese, jasy úlken adamdarǵa qaýipti. Olardyń ishinde bárimizdiń atamyz ben ájemiz, ákemiz ben anamyz bar. О́zimiz úshin qoryqpasaq ta, eń bolmasa, sol úlkenderimizdi oılaıyq.

Keıbir adamda aýrý belgisi birden bilinbeýi múmkin. Ondaı adam úıde otyrmasa, ózi bilmeı adamdarǵa juqtyrady.

Osylaısha, ondaǵan otbasynyń obalyna qalýyńyz múmkin. Osyndaı jaǵdaıdan saq bolaıyq.

Qazir vırýsqa qarsy eń tıimdi kúres – ol karantın rejımin saqtaý. Sizderden osyny taǵy da suraımyz. Úıden shyqpańyzdar. Qazir, shetelge shyqpaı-aq, aýrý juqtyrǵandardyń sany ósýde.

Bul degenimiz – aýrý kez-kelgen jerde juǵýy múmkin. Qonaqta, týystardyń úıinde, lıftte, avtobýsta, kezekte turǵanda.

Alaıda, kóp adamdardyń bul eskertýlerge salǵyrt qaraıtynyn kórip otyrmyz.

Mysaly, keshe, bir kúnniń ózinde, tótenshe jaǵdaı talaptaryn buzǵany úshin 237 adam jaýapqa tartylǵan. Onyń 74-i qamaýǵa alyndy.

Bul beıqamdyq aýrýhanada naýqastarǵa oryn jetpeýine ákelýi múmkin. Buǵan jol berýge bolmaıdy. Sondyqtan, aǵaıyn, ózimizdi, jaqyndarymyzdy saqtaıyq.

Jumysty, kredıtti, bıznesti ýaıymdamańyzdar. Memleket eshkimdi tastamaıdy. Kómektesedi.

Zeınetkerlerge dári aparýǵa, muqtaj jandarǵa azyq-túlik jetkizýge kómektesemiz. Buǵan deıin birneshe ret aıtqanymyzdaı, jumystan bosaǵan nemese aqy tólenbeıtin demalysqa shyqqandar tólem alady.

Búgingi tańda, Úkimet áleýmettik mańyzy bar azyq-túlik satyp alýǵa rezervten 14,7 mlrd. teńge bóldi.

Oǵan qosa, dárigerlerge, polısııa qyzmetkerlerine jáne koronavırýspen kúresip jatqan adamdarǵa jeke qorǵanys quraldaryn satyp alý úshin 21,4 mlrd. teńge bólindi.

Sonymen birge, Nur-Sultan, Almaty, Shymkent qalalary men oblys ákimdikterine jeke qorǵanys quraldaryn, dári jáne medısınalyq quraldar satyp alýǵa 10,7 mlrd. teńge qarastyrylǵan.

Qazir, salyq tekserýleri jáne ákimshilik quqyq buzýshylyqtar boıynsha isterdi qaraý toqtatyldy. Salyq deklarasııasyn tapsyrý merzimi 31 naýryzdan 30 sáýirge deıin uzartyldy.

Qurmetti aǵaıyn!

Memleket koronavırýspen kúreske qajetti barlyq sharany jasaıdy. Biraq, birinshi kezekte, ár adam ózin-ózi, óz otbasyn saqtaýy kerek.

Sondyqtan, úıde bolaıyq. Aman bolaıyq.