inalmaty.kz
Almatyda taǵy 3 adam koronavırýs juqtyrǵany anyqtaldy. Qazir juqpaly aýrýlar aýrýhanasynda KVI rastalǵan 22 pasıent bar. Bul týraly Almaty qalalyq qoǵamdyq densaýlyqty saqtaý basqarmasynyń basshysy Tileýhan Ábildaev brıfıngte aıtty.
– Búgin jatqyzylǵan 3 adamnyń biri – áıel adam shetelden kelgen azamattarmen baılanysta bolǵan. Qurǵaq jótel, tamaq qyryldaýy, keýde aýyryp, qulaqtyń bitelýi sııaqty sımptomdar bolǵan soń odan 18 naýryzda test alynǵan bolatyn. Búgin test nátıjesi rastaldy. Ekinshi pasıent - Berlın-Almaty charterlik reısiniń bortserigi. 12 naýryzdan ushyp kelgen kúnnen bastap juqpaly aýrýlar aýrýhanasynda karantınde boldy. Úshinshi pasıent - 1997 jyly týǵan er adam 19 naýryzda Parıj-Mınsk-Almaty reısimen ushyp kelgen. Qazir test kórsetkishi rastalǵan soń ol provızorlyq klınıkadan qalalyq juqpaly aýrýlar aýrýhanasyna aýystyryldy, – dedi Ábildaev.
Ol qazirgi ýaqytta 20 naýqastyń jaǵdaıy oıdaǵydaı jáne olardyń barlyǵynyń densaýlyǵy jaqsara bastaǵanyn atap ótti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir