Eks-prezıdent Nursultan Nazarbaevtyń jıen nemeresi Aısultan Rahat facebook jelisine jazba jarııalady. Ol onda óz ómiri týraly, qandaı qatelikter jasaǵany týraly jazǵan. 

"Men osyǵan deıingi jasaǵan kúnálarym men ómir jolym týraly aıtýǵa daıynmyn.  Men 1990 jyly 26 tamyzda Almaty qalasynda, QazKSR-de dúnıege keldim. Bul hatymda barynsha shynshyl bolýǵa tyrysamyn.  Men jer betindegi eń jaman adam boldym, tipti aqylǵa qonymsyz jamandyqtar jasadym. О́zime jáne otbasyma, janymdaǵy jaqyndaryma jasaǵan jamandyqtarym úshin qatty ókinemin jáne Allanyń aldynda tizerlep turyp keshirim suraımyn. О́zimniń jan dúnıemnen jasaǵan jamandyqtarymdy kóremin jáne bul óte aýyr. Biraq janymnyń aýyrǵany bir jaǵynan jaqsy, bul meniń ómir súrip jatqanymdy bildiredi. Sondaı-aq mende barlyǵyn ózgertýge múmkindik bar.

Balalyq shaǵymda óte meıirimdi bala bolǵanym esimde. О́kinishke qaraı, toǵyz jasymda baıdyń balalary oqıtyn jańa mektepke aýystym. Keıin meıirimdi bolýdyń tıimsiz ekenin túsindim. Synypta meni barlyǵy mazaq qylyp, jylatatyn. Tańnan keshke deıin jylaıtynmyn. Men ómir súrgen qoǵam sanama jańa ıdeologııany sińirdi. 2001 jylǵy saıası krızısten keıin Nursultan Nazarbaev pen Rahat Álıevtiń arasynda alǵash ret kelispeýshilik paıda boldy. Keıin Rahat Álıevti Avstrııaǵa elshi retinde jiberdi. Taǵdyrdyń jazýyna saı, men de ákemmen birge Qazaqstannan Avstrııaǵa kóship bardym. Bizben birge ákemniń komandasynda jumys istegen birneshe UQK qyzmetkeri de Avstrııaǵa kóshti. Al Darıǵa Nazarbaeva bolsa "Asar" saıası partııasynyń jumystarymen Qazaqstanda qaldy. Meni Rahat Álıev tárbıeledi. 11 jasymda ákemniń qyzmetkerleri qoǵam úshin jabyq bolǵan "KGB" ádebıetin úırete bastady. Bul ádebıette ár adamnyń nájis ekeni biraq jaǵdaı jasasań kez kelgen adamnyń ústinen nájisti ketirýge bolatyny jazylǵan. Sondyqtan bul jattyǵý jaǵdaıdy qalyptastyrýdy úıretti. Ol menen polısııa qyzmetkerin (operatıvnık) jasap shyǵarǵysy kelgendeı. Teorııadan bólek praktıka da boldy. Olar meniń senimime kirdi. Keıin kezek-kezek satqyndyq jasady. Satqyndyqqa tózý sondaı aýyr edi. Biraq men keıin eshkimge eshqashan senbeıtin boldym. Bul jaıttar men úshin ómirlik sabaq boldy dep aıta alamyn. Jyl ótken saıyn psıhologııalyq turǵydan myqty bola bastadym. 16 jasymda jedel-izdestirý isterine mashyqtanǵanym sonshalyq, kez kelgen adamnyń senimine ońaı kirip, kez kelgen syryn bile alatynmyn. Men manıpýlıator boldym.

Biraq bul áreketterdi jandúnıem qalamady. Meni bul jaman álemnen qutqarǵan tek fýtbol boldy. Men tek fýtbol alańynda oınap júrgen kezde ǵana shynaıy Aısultan bola aldym. Anglııada fýtbol oınaýǵa ketý úshin 2006 jyly men Nursultan Nazarbaev pen Rahat Álıevti aldadym. Aldymen, Nursultan Nazarbaev Roman Abramovıch arqyly maǵan «Chelsı» klýbyn kórsetti. Biraq men bul sportta talantty bolmadym. Myqtylarmen básekege túspedim. Rahat Álıev maǵan qatty ashýlandy. Sebebi men Rahat Álıevke emes Nursultan Nazarbaevqa ótinish jasadym. Keıin Rahat Álıev maǵan jaqsy kóriný úshin óziniń eski dosy Aleksandr Gaıdamak arqyly meni «Portsmýt» fýtbol klýbyna qosty. Talantty bolǵanym úshin emes, tanys arqyly klýbta oınadym" dep jazdy Aısultan Nazarbaev. 

Sondaı-aq Aısultan Nazarbaev eks-prezıdenttiń otstavkaǵa ketýine baılanysty da pikir bildirdi. 

"Nursultan Nazarbaevtyń otstavkaǵa ketýiniń artynda Kárim Másimov pen Tımýr Kúlibaev tur. Biraq qandaı maqsatpen? Darıǵany tolyǵymen ornynan yǵystyrǵysy kele me?

Biraq bul adamdar qalaısha meniń ustanymymdy ashyq túrde qoldaı alady? Sebebi olar Nazarbaevtyń uldaryna adal bolý týraly da ant bergen. Al olar óz ýádelerin oryndamady. Búgin qyzynyń aıaǵynan shalýǵa tyryssa, erteń uldaryn da uryp-soǵady. Bul memleketti tez sheshim qabyldaı alatyn bir ǵana adam basqarýy kerek. Biz odan prezıdenttikke qaıta oralýyn ótinýimiz kerek. Sebebi onyń mol tájirıbesi krızısten shyǵýǵa kómektesedi. Iá, kelisemin Nursultan Nazarbaev kóp qatelik jasady. Biraq qazir onyń prezıdenttikke qaıtyp oralatyn ýaqyty keldi. Kim ne oılaıtyny mańyzdy emes, biraq ol qazirgi jaǵdaıdy túzetýge bel baılap oralǵany mańyzdy" dep jazdy Aısultan Rahat. 

Taǵy oqyńyz!

♦ Toqaev 1 jylda qandaı prezıdent boldy?

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir