18 Naýryz, 2020 NEWS

Koronavırýs: depýtattardyń issaparlaryna qatań tyıym salyndy.

Foto: anatili.kazgazeta.kz

Bul týraly Májilis tóraǵasy Nurlan Nyǵmatýlın málim etti, dep habarlaıdy Qamshy.kz aqparat agenttigi. 

Atalǵan sheshim Májilistiń jalpy otyrysynan soń aıtyldy.

«Elimizde tótenshe jaǵdaı jarııalanýyna jáne qalamyzda karantın jarııalaýǵa baılanysty, Májilistiń de jumys rejımi ózgeredi. Erteńnen bastap Májilis jumysynyń basym bóligi basqa formatta ótedi. Bul ár azamattyń qaýipsizdigin saqtaý úshin jasalatyn sharalar, bárimiz túsinemiz jáne bul sharalarǵa joǵary jaýapkershilikpen qaraýymyz kerek», - dedi Nyǵmatýlın.

Belgili bolǵandaı, depýtattar endi Parlament ǵımaratyna mańyzdy jınalys kúnderi ǵana kelmek. Sondaı-aq, Májilis ýaqytsha keńester ótkizý men azamattardy qabyldaýdy da toqtatpaq.

«Jalpy otyrysqa negizgi baıandamashylar men depýtattar ǵana qatysý usynylady. Qalǵan ýaqytta depýtattar aqparattyq tehnologııalardy paıdalana otyryp, qashyqtan jumys isteıdi... Qazir Májilis apparatynyń 70 paıyzy jalaqysy saqtala otyryp, qashyqtan jumys istep jatyr. Qalǵan 30 paıyzy qysqartylǵan jumys kúnine aýysty, olar Parlament ǵımaratynda saǵat 16.00-ge deıin jumys isteıdi», - dedi Májilis tóraǵasy.

Osylaısha, tótenshe oqıǵa bolmaǵan jaǵdaıda depýtattardyń qyzmettik jáne jeke issaparlaryna deıin qatań tyıym salynyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir