Baqyt Sultanov: Shekti baǵadan asyrǵan kásipkerlerge aıyppul salynady

"Biz tamaq óniminiń baǵalaryn kóterýge, alyp satarlyqqa jol bermeý úshin barlyq kúsh jigerimizdi  salamyz jáne ol úshin tıisti quqyqtarmen quraldar jetkilikti". Buny QR saýda jáne ıntegrasııa mınıstri Baqyt Sultanov Ortalyq kommýnıkasııa qyzmetiniń onlaın-brıfınginde aıtty.

Onyń sózinshe, tótenshe jaǵdaı kezinde úkimet azyq-túlikpen qamtamasyz etý boıynsha barlyq sharalardy qabyldaýda. Áleýmettik mańyzy bar taýarlardyń barlyǵy turaqtandyrylǵan. 

– Tótenshe jaǵdaı rejıminde el bolyp, ortaq qaýip-qaterge qarsy birigýige tıispiz. Qazirgi ýaqytta biz áleýmettik mańyzy bar taýarlar men azyq-túliktiń shekti baǵasyn engizý tetigin jeńildetip jatyrmyz. Bul ákimdikterge baǵalardyń aýytqýlaryna jedel den qoıýyna múmkindik beredi. Jergilikti atqarýshy organdar shekti baǵalardy kóteretin kásipkerlerge aıyppul salatyn quqyqtary bar, – dedi ol. 

Sonymen qatar, ol azamattardyń ómiri men densaýylǵyn qorǵaý maqsatynda saýda nysandaryna, qyzmetterine ýaqytsha shekteý engizilgenin atap ótti. 

– Saýda oryndarynda adamdardyń kóptep jınalýyna shekteýler qoıyldy. Iаǵnı halyqty azyq-túlikpen qamtamasyz etý sharalarymen qatar qaýipti vırýsty taratpaý sharasy da qolǵa alynyp otyr. Iri gıpermarketter, bazarlar men basqa da saýda oryndary jumys isteıdi, alaıda birqatar erejelerdi saqtaýlary kerek. Búgin QR Densaýlyq saqtaý mınıstrimen birge bul nysandardy zalalsyzdandyrý boıynsha jıyn ótkizdik. Basty másele dúkenderde kezektiń oryn alýyn boldyrmaý, – dedi mınıstr. 

Mınıstr, sondaı-aq iri saýda oryndaryna halyq betperdemen kirgiziletinin, eger bolmasa sol jerde beriletinin jetkizdi. 

– Iri saýda oryndary saǵat 10.00-den 18.00-ge deıin jumys isteıdi. Al, azyq-túlik satpaıtyn bazarlar saǵat 11.00-den 17.00-ge deıin jumys isteıdi. Bul saýda oryndarynyń barlyǵynda sanıtarlyq norma saqtalýy kerek, – dedi ol.