Álemdi dúrliktirgen koronavırýs indeti Qazaqstanǵa da jetti. Bul týraly resmı aqparat barlyq BAQ betinde jaryq kórdi. Osy oraıda onlaı bilim berý platformasy Daryn.online respýblıkadaǵy mektep oqýshylaryna sabaqtardy tegin oqytýǵa daıyn ekendikterin aıtyp, arnaıy jazba qaldyrǵan.

"Apat aıtyp kelmeıdi. Alystan emes jaqynnan jalmap kele jatqan koronavırýstyń adamzat úshin úlken apat ekenin keshe ǵana barlyq BAQ betterinen oqydyq. Osyǵan oraı, elimizde prezıdent tapsyrmasymen qatań baqylaý ázirlenip, birneshe mınıstrlik brıfıng uıymdastyrýǵan bolatyn. Sonyń ishinde Bilim jáne ǵylym mınıstri Ashat Aımaǵambetov mektep oqýshylary men JOO stýdentterin onlaın oqý tájirıbesine kóshirý týraly pikir bildirdi.

Biz Daryn.online bilim berý platformasyn aqyly joba retinde qostyq. Qazirdiń ózinde joba respýblıka aýmaǵynda seriktestermen birigip jumys istep otyr. Atalǵan joba aty aıtyp turǵandaı, Qazaqstandaǵy barlyq mektep oqýshylaryna arnalǵan onlaın bilim beretin platformasy. Qazirgi tańda platformada 18916 oqýshy tirkelip, 4616 oqýshy bilim alýda.

Qazirgi jaǵdaıdy eskere otyryp, bizdiń platforma respýblıkadaǵy barlyq mektep oqýshylaryna kómektesýge daıyn ekenin habarlaǵymyz keledi. Kásip kózi bolsa da, dál qazir aqy tabýdan buryn, elimizdiń Bilim jáne ǵylym mınıstrligine qoldaý kórsete otyryp, keleshek urpaqtyń sapaly bilimine qol ushyn berýge daıynbyz!

Qurmetti, Ashat Qanatuly!

Sizge biz resmı hatty jibergen bolatynbyz. Keshe ǵana vıse-mınıstr Sholpan Tańatqyzynyń qabyldaýynda boldyq. Qazaqstan azamaty retinde biz jobamyzdy 1 aı kóleminde elimizdegi barlyq oqýshylaryna tegin berýge jáne onlaın bilim alýlaryna barlyq jaǵynan jaǵdaı jasaýǵa daıyn ekenimizdi aıtqymyz keledi" delingen jazbada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir