Koronavırýsqa baılanysty Olımpıada oıyndary ótpeı qalýy múmkin be?

Tokıoda aldaǵy jazǵy Olımpıada oıyndary koronavırýsqa baılanysty toqtatylǵan jaǵdaıda bir nemese eki jyldan keıin ótedi. Bul týraly Tokıo-2020 atqarýshy komıtetiniń múshesi Harýıýkı Takahashıǵa silteme jasap birneshe halyqaralyq BAQ habarlady.

"Olımpıadany kórermensiz ótkizý nemese tolyǵymen toqtatý aýyr qarjylyq shyǵyn ákelýi múmkin.  Sondyqtan Olımpıada oıyndary toqtatylady dep oılamaımyn. Toqtatylǵan jaǵdaıda bir nemese eki jyldan keıin ótedi" dedi Takahashı.

Tórt jylda bir ret ótkiziletin jazǵy Olımpıada oıyndary bıyl Japonııa astanasy Tokıoda shildeniń 24-i men 9 tamyz aralyǵyna josparlanǵan. Al Paralımpıada oıyndary 25 tamyz ben 6 qyrkúıek aralyǵynda ótýge tıis.

Qytaıda tarap álemeniń 100-den astam elinde anyqtalǵan koronavırýsqa baılanysty jazǵy Olımpıda oıyndary ótpeý qalýý múkin degen boljamdar sońǵy kezderi jıi aıtylyp jatyr. Sońǵy aqparatqa sáıkes, álemde 100 myńnan astam adam koronavırýs juqtyryp,  4000 astam adam ólgen.