Qytaıda koronavırýstyń jańa túrin juqtyrǵandardyń 76 paıyzy emdelip shyqty. Qazirgi ýaqytta aýrýhanalarda shamamen 16 myń pasıent jatyr. Bul týraly Qytaıdyń densaýlyq saqtaý memlekettik komıteti málimdedi.

Sońǵy málimetterge sáıkes, Qytaıda koronavırýstyq ınfeksııanyń rastalǵan jaǵdaılarynyń sany 80,778-ge jetti, olardyń 61 475-i emdelip, aýrýhanalardan shyǵaryldy, bul jalpy jaǵdaılardyń 76,1 paıyzyn quraıdy. Qazir aýrýhanalarda emdelýshi naýqastar sany 16 145, olardyń 4 492 aýyr halde.

Epıdemııa bastalǵannan beri Hýbeı provınsııasyn qospaǵanda, búkil Qytaı boıynsha 13000 juqtyrý oqıǵasy tirkeldi, olardyń 112-si qaıtys boldy, Infeksııadan qurban bolǵandar 0,86 paıyzdy quraıdy. Hýbeı provınsııasynyń ózinde 67,773 juqtyrý oqıǵasy anyqtaldy, 2959 adam qaıtys boldy, qurban bolǵandar 4,49 paıyzdy qurady. Sonymen qatar, Ýhanda indetten kóz jumǵandar 4,85 paıyzdy quraıdy.

Jalpy, indet 3158 adamnyń ómirin qıdy, elde ólimniń ortasha deńgeıi 3,9 paıyz.

Sońǵy málimetterge súıensek, Qytaıdaǵy epıdemıologııalyq jaǵdaı jaqsaryp keledi, sońǵy 24 saǵat ishinde búkil elde tek 24 jańa ınfeksııa oqıǵasy anyqtaldy, olardyń 10-y basqa elderden bolsa, 13-i Hýbeı provınsııasynda tirkeldi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir