06 Naýryz, 2020 NEWS

Aqyly joldar sany artady

Foto: baribar.kz

2025 jylǵa deıin elde 11 myń shaqyrym jol aqyly bolady. Bul týraly «QazAvtoJol» UK» AQ basqarma tóraǵasy Ulan Álipov aıtty, dep habarlaıdy QazAqparat.

– Qazirgi ýaqytta bizde 680 shaqyrym aqyly joldar bar. Olar Nur-Sultan-Shýche, Nur-Sultan-Temirtaý, Almaty-Qapshaǵaı, Almaty-Qorǵas joldary. О́tken jyly biz ınvestısııalyq baıqaý ótkizdik. Ony taıvandarmen birge «Computer vision technologies» kompanııasy jeńip aldy. Olar 2020 jyldan 2025 jylǵa deıin 11 myń shaqyrym jolda aqy alý júıesin engizedi. Bul joldar qazirgideı gıbrıdti emes, ashyq bolady. Kameralar qansha mashına ótkenin, qansha shaqyrym júrgenin túsirip alyp, habarlama jiberedi. Josparly quny jeńil kólikterge 1 shaqyrym úshin 1 teńge, júk kólikterine 15 teńge, – dedi ol Sybaılas jemqorlyqqa qarsy qyzmet alańynda ótken selektorlyq keńeste.

Sonymen qatar ol jol salý salasyndaǵy jemqorlyqty joıýǵa baǵyttalǵan jumystar týraly da aıtyp berdi.

– Merdiger 1 aıdyń ishinde oryndaýy tıis jumys kólemi bar. Eger ol belgilengen merzimde jumysty istemese, onda oǵan aıyppul eseptelinedi. Osy oraıda jemqorlyq táýekeli týyndaıdy. Iаǵnı, ol aıyppul tóleýden jaltarý úshin oryndalmaǵan jumystarǵa tolyq kólemde qol qoıdyrýǵa tyrysady. Sondyqtan aıyppuldy alyp tastap otyrmyz. Alǵashqy aıynda kólemnń oryndalmaǵany týraly eskertpe beremiz. Ekinshi aıynda da eskertemiz. Eger ol úshinshi aıda da jospardy oryndamasa, demek ol oryndaı almaıdy degen sóz. Sebebi maýsym da, ýaqyt ta qysqa. Odan ary sozýdyń esh máni joq. Sondyqtan úshinshi aıda biz oǵan aıyppul salyp, kelisimshartty buzamyz. Bul merzimge ǵana emes, sonymen birge sapaǵa da qatysty, – dedi Ulan Álipov.

Ilmek sózder: aqyly joldar

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir