04 Naýryz, 2020 NEWS

"Qaıtys bolǵan adamnyń organyn alý úshin jubaıynyń nemese jaqyn týystarynyń ruqsaty qajet“

sputniknews.kz

Densaýlyq saqtaý mınıstri Eljan Birtanov qaıtys bolǵan adamnyń organyn alýǵa jubaıy nemese jaqyndary qarsy bolsa, ol adamnyń organy alynbaıtynyn málimdedi. Bul týraly sputniknews.kz habarlady.

– Qaıtys bolǵan adam tiri kezinde donor bolýǵa kelisetinin nemese kelispeıtinin bildirmese, onda onyń organyn alý úshin jubaıynyń nemese jaqyn týystarynyń ruqsaty qajet, – dedi Birtanov. 

Mınıstrdiń aıtýynsha, Qoldanystaǵy zań boıynsha, eger adam donor bolýdan bas tartatyny týraly tiri kezinde ótinish jazyp qaldyryp ketpese, onda ólgennen keıin dárigerler onyń organdary men tinderin alýǵa quqyly. Bul rette jubaıynyń nemese jaqyn týystarynyń pikiri eskerilmeıtin. Al búgingi qaralǵan jańa kodekstiń jobasynda kerisinshe týystarynyń ruqsatyn alý normasy engizilip otyr.

– Ár adam emhanaǵa nemese HQKO-ǵa baryp, donorlyqtan bas tartatynyn bildire alady. Eger siz bas tartsańyz, onda potensıaldy donorlardyń tizimine engizilmeısiz. Biraq, eger tizimde eshteńe jazylmasa, ıaǵnı adam tiri kezinde donor bolýǵa kelisetinin nemese kelispeıtinin aıtyp ketpese, onda týysqandarynyń ruqsatyn suraý kerek. Eger jubaıy nemese jaqyndary qarsy bolsa, ol adamnyń organy alynbaıdy. Eger týystary kelisse, onda bul qaıtys bolǵan adam kózi tirisinde donorlyqqa qarsy bolmaǵanyn bildiredi, – dedi densaýlyq saqtaý mınıstri. 

Birtanov ólgennen keıin organdaryn alýǵa ruqsat bergen qazaqstandyqtar týraly aqparat qupııa ekenin atap ótti.

– Ol adamnyń qan toby, genetıkalyq sáıkestigi qandaı ekenin, kimge donor bolatynyn dáriger bilmeıdi. Ol tek habar beredi. Arnaıy transplantolog-koordınator kelip, donor bolýǵa jaraı ma, joq pa, sol aıtady, – dedi Eljan Birtanov.

Sonymen qatar, zań jobasynda Qazaqstannan aǵzalar men tinderdi shyǵarý múmkindigi shektelip otyr. Tek shet elde em alyp jatqan qazaqstandyqtar úshin ǵana shyǵarýǵa ruqsat etiledi.

Májilis depýtattary zań jobasyn birinshi oqylymda maquldady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir