Taldyqorǵan kólik prokýratýrasynyń aǵa prokýrory 30 myń dollar para aldy degen kúdikpen ustaldy. Bul týraly Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty.

– Almaty oblysynyń sybaılas jemqorlyqqa qarsy qyzmeti Qazaqstan Bas prokýratýrasynyń ishki tergeý departamenti qyzmetkerlerimen birlesip, arnaıy jedel-izdestirý is-sharalary men jasyryn tergeý áreketterin júrgizý kezinde Taldyqorǵan kólik prokýratýrasynyń aǵa prokýroryn, Almaty oblysy ekonomıkalyq tergeý departamentiniń aǵa tergeýshisin jáne oblystyq memlekettik kirister departamentiniń bas mamanyn aldyn ala sóz baılasý arqyly iri mólsherde para alý faktisi boıynsha áshkereledi, – dedi Barjaqsynov.

Onyń aıtýynsha, olar JShS dırektorynan ekonomıkalyq kontrabanda faktisi boıynsha oǵan qatysty tirkelgen qylmystyq isti toqtatqany úshin 30 myń AQSh dollary kóleminde para aldy degen kúdikke ilinip otyr.

  1. – Kúdiktiler QR qylmystyq-prosestik kodeksi 128-babymen ustalyp, Taldyqorǵan qalasynyń ýaqytsha ustaý ızolıatoryna qamaldy. Qazirgi ýaqytta sotqa deıingi tergeý júrgizilýde. QR QKP 201-babyna sáıkes, tergeý múddesine oraı basqa málimetter jarııalanbaıdy, – dedi agenttik tergeýshisi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir