Foto: rolıkten skrınshot jasaldy
Vıdeoda kórsetilgendeı, áýeli birneshe adam oń qolymen keýdesiniń sol jaǵyn ustap, gımndi oryndaǵandaı beıne tanytady. Sosyn ile-shala basqasha túrge enip, ánurandy "repke" aınaldyryp bıleı jóneledi.
Bul azdaı rolık sońynda Qazaqstan ánurany qalaı montajdalǵany da ashyq kórsetilgen.
Bul áreket Qazaqstan Respýblıkasynyń memlekettik rámizderi týraly zańyna qaıshy ekeni belgili bolsa da, vıdeo instagram áleýmettik jelisinde jyldam taralyp jatyr.
Dálirek aıtqanda, atalǵan Zańnyń 9-shy baby, 4-shi tarmaqshasynda «Qazaqstan Respýblıkasy Memlekettik Gımniniń mátini men mýzykalyq redaksııasyn basqa mýzykalyq shyǵarmalardyń jáne ózge de óner týyndylarynyń negizi retinde paıdalanýǵa bolmaıdy» dep anyq jazylsa da rolık ıeleri oǵan pysqyrmaıtyn sekildi.
Aıta keteıik, vıdeo TikTok vıdeohostınginiń kómegimen jasalǵan. Mundaǵy TikTok sózi – qysqa vıdeolar túsirýge arnalǵan halyqaralyq vıdeohostıng degendi bildiredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir