21 Aqpan, 2020 NEWS
qamshy.kz
"Dempartııa" qurýǵa yntaly bastamashyl top jaqtastary Almaty oblysy Qarasaı aýdany ishki ister bólimi ǵımaratynyń aldyna jınalyp jatyr. Olar bastamashyl top jetekshisi Janbolat Mamaıdy bosatýdy talap etýde.
Polısııa qyzmetkerleri jınalǵan jurtty, sondaı-aq Mamaıdyń advokatyn ishki ister bólimine kirgizbeı tur.
Mamaı jaqtastarynyń biri prezıdent Toqaevqa úndeý jasap, "saıası reformalar jasalady dep edińiz ǵoı. Endi mynadaı áreketti qalaı túsinse bolady? Menińe, sizdiń abyroıyńyzǵa nuqsan keltirý úshin áldekimder azamattardyń pikirin ashyq aıtý quqyǵyn paıdalanýǵa, partııa qurý quqyǵyn paıdalanýǵa qasaqana kedergi keltirip otyr. Osyǵan baılanysty el aldyna shyǵyp, túsinik berýińizdi suraımyz" dedi.
Aýdandyq ishki ister bólimine jınalǵan azamattardyń arasynda Mamaıdy bosatýyn talap etip, tótenshe shara retinde ashtyq jarııalaýdy usyndy. Usynysty on shaqty azamat qoldaıtynyn aıtty.
Dempartııa bastamashyl tobynyń jetekshisi Janbolat Mamaıdy bosatýyn talap etip, ashtyq jarııalaǵan azamattar
Qaskeleńdegi ishki ister bólimine jınalyp jatqan Dempartııa jaqtastary sát-saıyn kóbeıip jatyr.
Polısııa qyzmetkerleri jýrnalısterge jáne Mamaıdyń jaqtastaryna onyń ne sebepti ustalǵanyna qatysty pikir bildirgen joq.
Mamaıdyń áıeli, jýrnalıst Inga Imanbaıdyń aıtýynsha, polısııa belsendini bastamashyl toptyń ókili Janbol Rahmatýllanyń Qaskeleń qalasyndaǵy Qarasaı aýdandyq sotyna kelgen kezde ustap, shaqyrtý qaǵazyn kórsetpesten aýdandyq polısııa basqarmasyna kúshtep alyp ketken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir