Ulttyq keńesten Buqarbaev shyǵyp, Taıjan jumysyn synady (vıdeo)

Baspager, Ulttyq qoǵamdyq senim keńesiniń múshesi Baqytjan Buqarbaı facebook paraqshasynda keńes quramynan shyǵatynyn málim etti.

Ol keńeske otyz jyl kútken saıası reformalar júzege asyp qalady-aý degen úmitpen onyń múshesi bolýǵa keliskenin saıası reformalar boıynsha jumys tobynyń quramynda birqatar zańdarǵa ózgerister engizýge baǵyttalǵan usynystar daıyndaýǵa belsene atsalysqanyn aıtqan.

«Bizdiń usynystardy eskere otyryp, prezıdent Toqaev jyl sońynda saıası reformalardyń birinshi paketin jarııa etti. Iаǵnı partııa tirkeý jumysyn jeńildetý, beıbit jıyn uıymdastyrý úshin habarlaý júıesine kóshý sııaqty oń ózgeristerdi zańǵa engizý týraly naqty tapsyrma berdi.

О́kinishke qaraı, mınıstr Abaevtyń vedomstvosy ázirlegen «Beıbit jıyndar týraly» zań jobasy prezıdenttiń tapsyrmasyna saı bolmaı shyqty jáne ol halyqtyń, azamattardyń múddesine qaıshy bolyp otyr.

Buǵan qosa saıası tutqyndardyń áli kúnge deıin bosatylmaǵanyn aıta ketken jón. Janbolat Mamaıǵa partııa qurý jolynda tosqaýyldar jasalyp jatqanyn da kórip júrmin. Osynyń barlyǵy Toqaevtyń tapsyrmalaryn onyń astyndaǵy bıýrokrattardyń elemeıtinin ańǵartyp otyr. Bul degenimiz Ulttyq keńestiń búgingi tańda elimizdegi saıası reformalarǵa eshqalaı áser ete almaıtyn uıym ekenin kórsetti.

Men halqymnyń aldynda adal bolǵym keledi. Halyqtyń múddesin árdaıym bárinen joǵary qoıamyn. Keńestiń quramynda elimizge paıda ákeletin ózgerister úshin barymdy salyp, qoldan kelgenshe tyrystym, biraq Ulttyq keńeske bıliktiń qulaq aspaıtynyna aqyry kózim jetip otyr. Men halyqtyń múddesine qaıshy áreketter men pıǵyldardy zańdastyrýǵa aralasqym kelmeıdi, sol sebepti Ulttyq keńestiń quramynan shyǵatynymdy málimdeımin, delingen baspager jazbasynda.

Baqytjan Buqarbaı saıası reformanyń ornyna kózboıaýshylyq bolsa, nege ákelip soǵatyny týraly Toqaevqa arnalǵan kitabynda jazǵanyn málim etti.

Buǵan deıin ulttyq keńestiń taǵy bir múshesi, ekonomıst Muhtar Taıjan áleýmettik jelidegi paraqshasynda demokratııalyq jáne naryqtyq reformalar bastalmaı jatyp, sońy sıyrquıymshaqtanyp bara jatqanyna alańdaýshylyq bildirgen. Ulttyq senim keńesi múshelerin zań jobasyn jasaý isine aralastyrmaıtynyn, otyrysta kóterilgen máselelerdi júzege asyrý barysy belgisiz ekenin málim etip, keńestiń kelesi otyrysynyń qashan ótetini, onda qandaı másele kún tártibine qoıylatyny anyq emestigin aıtqan.

Sondaı-aq ol aqparat jáne qoǵamdyq damý mınıstrligi ázirlegen mıtıng týraly zań jobasy múlde iske alǵysyz dep aıtqan. 

Jazbasynyń sońynda senim keńesinde kóterilgen saıası reformalardy júzege asyrý úshin prezıdent jańa adamdardy jumyldyrý kerektigine nazar aýdarǵan.