ShQO-nyń ákimi Danıal Ahmetov 3 kún ishinde úkimet basshysymen birge aýdandaǵy Qytaı azamattaryn shyǵarý máselesin sheshetinin aıtty. Bul týraly m.ustinka.kz saıty habarlady. 

Zaısan halqy 19 aqpannan beri Qytaı Halyq Respýblıkasynan kelgen adamdardy 14 kún boıy óńirlik provızorlyq stasıonarda oqshaýlaý sharasyna narazylyq bildirip, bas kóterdi.

Zaısannyń Saryterek jáne Aınabulaq aýyldarynda narazylyqqa shyqqan halyqty basýǵa oblys ákimi Danıal Ahmetov bastaǵan sheneýnikter keldi. Degenmen aýdan halqy túsindirý jumystary bolmaǵanyn aıtyp, senimsizdik bildirip, shekaradan belgisiz azamattardyń ótkenin aıtty. 

– Shekaradan eshqandaı ózge eldiń azamattary ótken joq. Biraq shekaranyń arǵy jaǵynda 5 zaısandyq azamat tur. Olardyń densaýlyǵyn 14 kún baqylaý úshin О́skemenge alyp ketemiz. Al mundaǵy 42 Qytaı azamatyn úkimet basshysymen aqyldasyp, óz eline jiberý sharasyn sheshemiz, tek 3 kún ýaqyt berińizder! – deıdi Danıal Ahmetov.

Oǵan kónbegen bir top halyq oblys basshylyǵymen birge «Sın-sın» kompanııasynyń jumyskerleri turaqtaǵan 9-bazasyna kelip, tólqujattaryn óz kózderimen kórip, elden 3 saǵattyń ishinde ketýin talap etýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir