18 Aqpan, 2020 NEWS

"Ýhanda bıologııalyq qarý jasaǵan": 1981 jyly shyqqan romanda koronavırýs týraly ne jazylǵan?

Liverty Times

"Ýhanda taraǵan vırýstan búkil álemde jańa qurbandar paıda bolady". Twitter qoldanýshylary 1981 jyly shyqqan "Qarańǵynyń kózderi" romanynda osylaı jazylǵanyna tańdanys bildirýde. Bul týraly greatgameindia.com saıtynda jazylǵan. 

Amerıkalyq Dına Kýns atty fantast jazýshy 1981 jyly "Qarańǵynyń kózderi" atty fantastıkalyq roman jazǵan. Kýns kitabynyń 39-taraýynda Qytaı kommýnıstik partııasy Ýhan mańyndaǵy áskerı zerthanalarda bıologııalyq qarý retinde vırýs jasaıtyny aıtylady. Ony Ýhan-400 dep ataǵan. Vırýs adamdy 100 paıyz óltirýge qaýqarly delingen.

Romanda ulyn izdep júrgen, onyń óli ne tiri ekenin bilmeıtin ana týraly jazylǵan. 

Anasy ulynyń taýǵa  shyǵýyna ruqsat beredi. Uly 16 jyl boıy taýǵa shyǵyp júrgen kásibı mamandarmen birge taýǵa shyǵady. Alaıda bul joly taýǵa shyqqan ár týrıst, jol  nusqaýshy tipti kólik júrgizýshi de belgisiz sebepten kóz jumady. Qaıǵydan qan jutqan ana ulynyń ólgenine senbeıdi. Keıin ol óziniń dosymen birge ulynyń neden qaıtys bolǵanyn izdestirýge kóshedi. Oqıǵa jelisi osylaı bastalǵan romanda qytaılyq zertteýshiniń "Ýhan-400" dep atalatyn bıologııalyq qarý jasap shyǵarǵany týraly aıtylady. Ol bul qarýdy AQSh-qa jasyryn túrde ákelgen. Qytaılyq zertteýshi bul qarýdy Ýhan qalasynda jasap shyǵarǵan. Keıin ony óz maqsattaryna qoldanady. 

Araǵa 39 jyl salyp, Qytaıdyń Ýhan qalasynan koronavırýs shyǵyp, odan myńdaǵan adamnyń qaza bolýy romandaǵy oqıǵa jelisimen uqsaıtynyna kópshilik bul kezdeısoqtyq pa, álde tylsym birdeńe me dep tańdanysyn jasyra almaýda.

 koronavırýs

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir