12 Aqpan, 2020 Aımaqtar
Foto: ashyq aqparat kózderinen
Qoǵamda zor dúmpý týdyrǵan «Masanshy» oqıǵasy biraz sheneýniktiń taǵdyryn sheshti. Aýys-túıis te áli aıaqtalmaǵan syńaıly
Aıtalyq, osyǵan deıin oblys basshysy Asqar Myrzahmetov pen polısııa departamentiniń bastyǵy Arman Orazalıev qyzmetterinen ketse, endi Jambyl oblysynyń prokýrory Jarqyn Qusaıynov ta osy tizimge qosyldy.
Sóıtip, memleket basshysynyń kelisimi negizinde QR Bas prokýrorynyń buıryǵymen Jambyl oblysynyń prokýrory bolyp 3-synypty memlekettik ádilet keńesshisi Nurǵalym Májıtuly Ábdirov taǵaıyndaldy.
Al, osyǵan deıin Jambyl oblysy prokýrory laýazymyn atqarǵan J.Q. Qusaıynov Bas prokýratýranyń qaramaǵyna aýysty.
N. Ábdirov 1967 jyly týǵan. Qaraǵandy memlekettik ýnıversıtetin «quqyqtaný» mamandyǵy boıynsha bitirgen.
Prokýratýra organdarynda qyzmetin 1991 jyly bastaǵan.
Bas prokýratýranyń úsh departamentin basqarǵan.
Núr-Sultan, Almaty, Ońtústik-Shyǵys óńirlik kólik prokýrorlarynyń birinshi orynbasary qyzmetin atqarǵan, Aqtóbe, Ońtústik Qazaqstan jáne Túrkistan oblysy prokýratýralaryna basshylyq etken.
Prokýratýra organdaryndaǵy eńbek ótili 28 jyldan asqan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir