Almatyda "Isker ustaz" atty jastar klýby quryldy

Prezıdent Qasym Jomart Kemeluly Toqaevtyń jastar kadrlyq rezervin qalyptastyrý baǵdarlamasyn júzege asyrý, jas ustazdarmen oı bólisý, pikir almasý, jas mamandardyń únine qulaq túrý, qazirgi jas muǵalimniń bolashaqta bilikti, isker maman retinde qalyptasýyna yqpal etý maqsatynda «Táýelsiz el jastary» qoǵamdyq qory «Tulǵamen kezdesý» jobasy aıasynda Bilim basqarmasy basshysy Jylqybaeva Lázzat Áýezhanqyzymen N168 mektep-gımnazııasynda kezdesý ótti. Bul týraly Qamshy.kz aqparat agenttigi tilshisi habarlaıdy! 

"Búgingi kezdesýdiń basty sebebi, Almaty qalasyndaǵy alǵashqy "Isker ustaz" atty jas ustazdar klýbynyń qurylýy. Klýbty qurýdaǵy negizgi maqsat - jas ustazdardyń ári qaraı sala boıynsha tolyqqandy ózin-ózi damytý. Qazirgi tańda Almaty qalasynda 1277 ge jýyq bilim berý uıymy bar, onyń uıymynda 32 myńnan asa ustaz jumys jasaıdy. Onyń 30%  jas mamandar. 2020 jyldyń eń basty jańalyǵy muǵalim mártebesi týraly zańnyń qabyldanýy ekeni barshamyzǵa málim, sonymen qatar jas ustazdarǵa arnaıy is-sharalardyń atqarylýy. Minekeı, osyndaı is sharalar Almaty qalasynda da bastaýyn tapty. Sonyń alǵashqysy - "Úzdik ustaz" baıqaýy", - dep aıtty Lázzat Jylqybaeva.

Kezdesý barysynda jas mamandardyń máseleleri, aldaǵy ýaqyttaǵy damý jospary, sondaı-aq «Pedagog statýsy týraly» zań talqylandy. Kezdesý erkin formatta Almaty qalasy jas ustazdarynan qurylǵan «Isker ustaz» jas muǵalimder klýby jastarymen ótkizildi.