08 Aqpan, 2020 Barlyq aımaqtar
vıdeodan alynǵan
Áleýmettik jelide "Qordaıdaǵy tóbelestiń" vıdeolary tarap, qyzý talqylanyp jatyr dep jazady Qamshy.kz aqparat agenttigi.
Vıdeodan aıǵaılap, jylap jatqan adamdardyń daýsyn jáne myltyqtyń gúrsilin estýge bolady. Jambyl oblysy polısııa departamentiniń baspasóz qyzmeti Qordaı aýdany Masanshy aýylynda turǵyndar arasynda jappaı tóbeles bolǵanyn rastady.
Polısııa departamentiniń habarlaýynsha, Masanshy men Qordaı aýdany turǵyndarynyń arasynda túsinbeýshilik tóbeleske sebep bolǵan.
Qazaqstandaǵy dúngender qaýymdastyǵynyń tóraǵasy Hýseı Daýrovtyń habarlaýynsha, atys Qordaı aýdanyndaǵy Masanshy aýylynda bastalyp, jaǵdaı ýshyǵyp bara jatyr, dep jazǵan kaztag.kz saıty.
"Polısııa jaǵdaıdy baqylaýǵa aldyq degenimen, Masanchıdegi jaǵdaı baqylaýda emes, biraq odan saıyn nasharlap barady. Kelgen jigitter Masanshy aýylyndaǵy 10-nan astam úıdi órtep jiberdi. Endi atys bastaldy. Tipti bir top jigitter kez kelgen adamǵa oq jaýdyryp, uryp jatyr. Polısııa eshteńe isteı almaýda. Adamdar qaýipsizdik kúshteriniń kelýin kútýde, biraq ázirge jaǵdaı óte nashar", - dedi Daýrov.
Qazaqstan dúngender qaýymdastyǵynyń jetekshisiniń ózi Masanshy kentiniń janynda ornalasqan Sortóbe aýylynda turady.
"Qazir 10-nan astam aýlalar órtenip jatyr, órt sóndirý mashınalary da kórinbeıdi. Jappaı tóbeles bolyp jatyr. Tek tóbeles emes, basqa aýyldardan kelgen toptar jergilikti turǵyndarǵa oq jaýdyrýda", - dedi Qazaqstandaǵy dúngender qaýymdastyǵynyń basshysy.
Degenmen áleýmettik jelide Jambyl oblysy Qordaı aýdanynda dúngen ultynyń azamattary "80 jastaǵy qazaq qarııa men onyń eki balasyn armatýramen, balǵamen uryp, basyn jarǵany" týraly aqparat taraǵan. Jambyl oblysyndaǵy polısııa deportamenti Qordaıdaǵy janjalǵa baılanysty tergeý jumystary bastalǵanyn habarlady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir