01 Aqpan, 2020 Barlyq aımaqtar

Amerıkalyq dıplomat Pompeoǵa Qazaqstannan ne kerek?

ria.ru

Maık Pompeonyń Qazaqstanǵa saparynyń maqsaty yntymaqtastyqty nyǵaıtý ma, álde amerıkalyq oıyn erejelerin nasıhattaý ma? Mundaı saýaldy  MGIMO taldaý ortalyǵynyń dırektory, saıası ǵylymdardyń doktory Andreı Kazansev qoıdy.

AQSh-tyń memleket hatshysy Maık Pompeo TMD elderine saparyn bastaǵan. Ol búginge deıin Ýkraına men Belarýs elderinde bolyp, kelesi is saparyn Qazaqstanda jalǵastyrmaqshy.

Mınskide aıaldaǵan ýaqytynda Pompeo Belarýs pen Reseıdiń myǵym qarym-qatynasy týraly sóz etip, Ýkraınadan myqty qoldaý kútetini týraly aıtty.

Amerıkalyq dıplomat 1-2 aqpanda Nur- Sultan qalasynda bolyp, prezıdent Qasym- Jomart Toqaev jáne Qaýipsizdik Keńesiniń Tóraǵasy Nursultan Nazarbaevpen kezdesý ótkizedi.

– Amerıka Qurama Shtattary Qazaqstandy óziniń odaqtasy etýge tyrysýda, – deıdi Andreı Kazansev.

– Amerıka Qurama Shtattary óz pozısııasyn nyǵaıtýǵa áreket etýde. Reseı men Qytaı Ortalyq Azııa elderiniń ekonomıkasy men saıasatynda mańyzdy ról atqarady. AQSh Qazaqstan men osy elderdiń seriktestik deńgeıi olarǵa qaraǵanda joǵary ekenin jaqsy biledi, –dedi Kazansev.

Pompeo el basshylyǵymen jáne syrtqy ister mınıstri Muhtar Tileýberdimen ekijaqty jáne aımaqtyq yntymaqtastyq pen jahandyq kún tártibindegi máselelerdi talqylaıtyndyǵyn resmı túrde habarlady.

Jeltoqsan aıynda Memlekettik hatshy Pompeo Vashıngtonda Qazaqstannyń syrtqy ister mınıstri Muhtar Tileýberdini qabyldaǵan.

Pompeonyń 5 qańtarda Qazaqstanǵa memlekettik is sapary josparlanǵan, biraq AQSh-tyń Iraktaǵy elshiliginde bolǵan oqıǵalarǵa baılanysty is sapar ýaqyty ózgergen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir