• USD 389.52
  • EUR 429.21
  • RUB 6.07
  • CNY 54.94
24 Aqpan, 17:28:14
Shyńjańdyq dúngen: Dereý qazaqtardan keshirim surańdar! (aýdıo)

29 Qańtar, 2020 Aımaqtar

Amandyq Batalov: О́ziń úshin "kýrorttyq" jaǵdaı jasap alasyń

"Seniń bir mineziń bar. О́ziń úshin «kýrorttyq» jaǵdaı jasap alasyń. Asyqpaı, bolsa boldy, bolmasa, kóremiz dep júresiń"

Foto - Dmıtrıı EROFEEV

 

Bul týraly Almaty oblysynyń ákimi Amandyq Batalov aımaqty damytýǵa baǵyttalǵan ınfraqurylymdyq jobalarmen tanysý barysynda aıtty, dep habarlaıdy Qamshy.kz aqparat agenttigi. 

Oblys basshysynyń dál osylaı shúıligýine Taldyqorǵan qalasynyń ákimi  Ǵalymjan Ábdiraıymovtyń  sylbyr jumysy sebep bolǵan. Shahardyń 8-shaǵyn aýdanynda 1200 oryndy jáne kottedj qalashyǵynda 900 oryndy mektep qurylysy bastalýy tıis bolatyn. Biraq qala ákimdigi áli jobalaý jumysynan asa almaı otyrǵanǵa uqsaıdy. 

 – Jobalaıtyn nesi bar? Men bıyl bastańdar degen tapsyrma berdim. Áli qanaǵattanarlyq jumys istelmegen. Barlyǵyn bilýiń qajet. Joba daıyndalyp, qurylys jumysy bastalaýy tıis. Seniń bir mineziń bar. О́ziń úshin "kýrorttyq" jaǵdaı jasap alasyń. Asyqpaı, bolsa boldy, bolmasa, kóremiz dep júresiń. Saǵan berilgen tapsyrma - kottedj qalashyǵynda mektep qurylysyn bastaý, –  deıdi  Amandyq Batalov.

Oblys basshysynyń bundaı qatań talap qoıýynyń da qop-qoıý sebebi bar-tyn. О́ıtkeni, "ınfraqurlym" degen ıir-qıry mol osy bir sóz aıtylsa, jetisý jerinde úsh aýysymdy mektep máselesi "attandap" shyǵatyny aıdan anyq. Onyń alǵashqy bir sebebi, demografııalyq ahýal desek, ekinshi másele – jergilikti jerdegi mektepke qatysty  túıtkilderdi Amandyqtyń maqtanshaq ákimderiniń esep saıyn aıta almaýy. Dálirek aıtqanda, aımaq basshysynyń aldyndaǵy shekteýli ýaqyttyń shekesin – oraıy kelgen oryny olqy tusty aıtýmen emes, eki saǵattyq maqtanýmen alatyny kórip júrgen jaıt. 

Saldary deısiz be,  aımaqta úsh aýysymdy mekteptiń sany shamamen tórt ondyqtyń tóbesinen qaraýǵa az qalǵan. Al buǵan jyl saıyn saıttardan "Belsendi ákim", "Halyqshyl ákim" degen ájeptáýir ataq alyp júrgen A.Batalovtyń ashýy kelmeı kórsin. 

"Ashý" demekshi osy sózdi asha túsý úshin bir mysal aıtalyq. Máselen, ótken jyly bilim salasynda quny 7,9 mlrd.teńgeni quraıtyn 23 nysan qoldanysqa berilse, bıyl bar-joǵy  20 nysan iske asyrylady. Al mundaǵy "bar-joǵy" dep bazyna syzyp aıtatynymyz taǵy halyqtyq ósimge qatysty. Almaty oblysynda jyl saıyn oqý jasyna tolǵan bala sanynyń ústemelep artyp kele jatqany da shyndyq. Sonymen birge sońǵy ýaqytta demografııaǵa dem beretin áleýmettik jaǵdaıdyń da eptep jaqsaryp kele jatqanyn da eskergen jón. Budan shyǵatyn qortyndy, mundaı jaǵdaıda bilim salasynda paıdalanýǵa beriletin nysannyń jyl saıyn óskenniń ornyna qysqarǵany, árıne, ashý týǵyzsa kerek.  

Sony eskergen oblys basshysy qazirgi basty mindet – úsh aýysymdy mektepterden qutylý ekenin uqtyra kelip,  jeke sektorlardy tarta otyryp, bıylǵy jobaǵa engizilgen mektep sanyn kóbeıtýdi tapsyrdy.

Sonymen birge, ol aımaqtaǵy mektepterdiń syrt kelbeti kóz tartarlyqtaı bolýy tıis ekenin jetkizip, isteı almaǵan jaǵdaıda "jobany jastarǵa bersin" dep te qatań eskertý jasady.

"О́z qoltańbasy bolýy qajet. Jańany oılap tabý sonshalyqty qıyn ba? Qıyn bolsa, jobany jastardyń qolyna tabystasyn",  – dedi ol. 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir