Mal urlyǵy úshin qylmystyq jaza kúsheıtildi

Byltyr osy sıpatta 4700-den astam qylmys tirkelgen. Bul týraly 24.kz arnasy habarlady.

QR IIM Tergeý departamentiniń basshysy Sanjar Ádilovtyń aıtýynsha, mal urlyǵy jáne tonaý, qaraqshylyq qylmystary boıynsha "turǵyn úıge, qyzmettik nemese óndiristik mekemege, qoımaǵa, kólikke zańsyz kirý" jaǵdaıy qylmystyń aýyr sanatyna aýystyrylǵan. Budan bólek endi mal urlaǵandar men malynan aıyrylǵandar ymyraǵa kele almaıdy. Qylmystyq kodekstiń 68-shi babyna túzetý engizilgen.

QR AShM Veterınarlyq baqylaý jáne qadaǵalaý komıteti tóraǵasynyń orynbasary Tursyn Qabdýldanovtyń sózinshe,  buryn tatýlasy arqyly bári sheshilip ketetin. Qazir ondaı qylmys tarapynan ondaı alynyp tastaldy. Mal urlyǵyna qatysy bar kináli adamdarǵa 10 jyldan 12 jylǵa deıin bas bostandyǵynan aıyrý jazasy qarastyrylyp otyr.

Sondaı-aq mal tasymaly kezinde anyqtalatyn zań buzýshylyqtarǵa jaýapkershilik qatańdatyldy. Máselen, tasymal kezinde maldyń sanyn durys kórsetpegeni úshin azamattarǵa 20-dan 200 aılyq eseptik kórsetkish kóleminde aıyppul salynady.

Mundaı ózgerister engizilgen jańa zań búginnen, ıaǵnı qańtardyń on birinen bastap kúshine endi.