AQSh prezıdenti Donald Tramp Aq úıde Irannyń amerıkalyq áskerı bazaǵa shabýyl jasaýyna baılanysty resmı málimdeme jasady. 

Onyń sózinshe, áskerı bazaǵa jasalǵan shabýyldan birde-bir amerıkalyq zardap shekpegen.

"Iran ıadrolyq qarý men terrorızm oshaǵy. Ol adamzat órkenıetine zııanyn tıgizip otyr. Amerıka onyń aldyn alý úshin bárin jasaıdy. Eger Iran bul áreketterin tyımasa, Iranǵa qarsy ekonomıkalyq sanksııa salamyz," dedi Tramp.

Onyń aıtýynsha, AQSh Iran munaıyna zárý emes.

Sondaı-aq AQSh prezıdenti Islam revolıýsııasy korpýsynyń "Qudys kúshteri" arnaıy jasaǵynyń qolbasshysy Súleımanıdi óltirýge buıryq berýiniń sebebin túsindirdi.

"Súleımanı myńdaǵan adamdardyń ólimine sebepshi boldy. Bizdiń bir azamatymyzdy óltirdi. Biz ony toqtata aldyq. Ony budan da erterek toqtatý kerek edi" dep atap ótip, Sýleımanı qazasynyń ózge terrorshylarǵa jasalǵan eskertý ekenin uqtyrdy.

Sóz sońynda AQSh prezıdenti Irandy Islam memleketi sııaqty ortaq jaýǵa qarsy turýǵa shaqyryp, Iran jáne Irak halqymen birlesip beıbitshilikti ornatatynyna senim bildirdi.

Oqı otyryńyz:

♦ Iran men AQSh arasynda soǵys bastala ma? Sarapshy pikiri

 

Ilmek sózder: Tramp Iran-AQSh

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir